பழமொழிகள் ஆய்வு எண் 6

வட்டிக்கு வாங்கி அட்டிகை பண்ணு
அட்டிகை வித்து வட்டியைக் குடு

இந்த பழமொழியை கேட்டவுடன் சிரிப்புதான் வருகிறது'
நாமெல்லாரும் இதைத்தானே செய்து கொண்டிருக்கிறோம்

நமக்கு அடிப்படை தேவைகளே
இருக்க இடம் , உண்ண உணவு ,குடிக்கத் தண்ணீர்
இந்த மூன்றுக்குமே நாம் போராட வேண்டியிருக்கிறது
நம் அரசியல் அமைப்பு நமக்குத் தரும் வசதிகள்
அப்படி இருக்கின்றன
ஆனால் தற்போது நாமெல்லாரும் நிறைய சம்பாதிக்கிறோம்
நிறைய செலவழிக்கிறோம்
ஆனால் அந்தக் காலத்தில் வாழ்ந்த மக்கள்
சம்பாதித்ததும் குறைவு, செலவழித்ததும் குறைவு
பெரும் பான்மையான மக்கள் பேராசை இல்லாமல்
இருந்தார்கள்,அப்படி இருந்தும் சிலபேர்
பேராசைப் பட்டதால்
வந்த சொல் வழக்கு இது


கண்ணை விற்று சித்திரம் வாங்கியதைப் போல
என்று சொல்லுவார்கள்,
அது போல அந்தக் காலத்தில் பேராசைப்பட்டவர்கள்
பேராசைப்பட்டதால் பலவற்றை இழந்தனர்,

பொன் நகை போட்டுக் கொள்ளுதல் அந்தக் காலத்தில்
மிகவும் மதிப்பான விஷயம்,அந்தக் காலத்தில் என்ன ....?
இந்தக் காலத்திலும் அதே நிலைமைதான்
அதற்காக வட்டிக்கு பணம் வாங்கி அட்டிகை
என்னும் அலங்கார நகையை வாங்குவார்கள்
ஒட்டியாணம் என்னும் நகை இடையை அலங்கரிக்கும்
கைகளில் மோதிரங்கள், கழுத்தில் தங்க முகப்படாம்கள்
காதிலே வைரத் தோடுகள் எல்லாம் அணிந்து கொண்டு
மினுக்கினால்தான் அது மதிப்பு என்று நினைத்துக் கொண்டு
விரலுக்குத் தகுந்த வீக்கம் வேண்டும் என்னும் பழமொழியை
மதிக்காமல் அளவுக்கு அதிகமாக, தகுதி உணராமல் வீண் செலவு செய்துவிட்டுபிறகு அந்த வலையிலிருந்து மீள முடியாமல் அவதிப்படுவார்கள்,...
மக்களின் இந்தப் பேராசையை பயன் படுத்திக் கொண்டு
சில பேர் தங்கள் கையிலிருக்கும் பணத்தை
வட்டிக்கு ஆசைப்பட்டு பலபேருக்கு கொடுத்து
அனியாய வட்டி வாங்கி கொழுத்த பணக்காரர்களாக
ஆவதற்கு சுலபமான வழியாக மக்களின் இந்த வேண்டாத
குணத்தை உபயோகித்தனர்

மக்களின் பேராசை என்னும் வேண்டாத உணர்வு
எந்த அளவு அவர்களை ஆட்டி வைத்திருக்கிறது
என்று நமக்குப் புறிய அளவு கோலாக இந்தப் பழமொழி
பயன்படுகிறது

இதே உணர்வு இப்போதும் நம்மை அழித்துக்
கொண்டிருக்கிறது என்பதில் சந்தேகமே இல்லை...!
இப்போதெல்லாம் நம் செலவு செய்ய பணம் கூடத்
தேவையில்லை ஒரு சிறு அட்டை போதும்
ஆனால் பணத்தை திரும்ப செலுத்த பணம் வேண்டும்
இந்த விஷயத்தை அனேகமாக அனைவரும் மறந்தாற்போல
அட்டையை வைத்து செலவழிக்கிறார்கள்
பிறகுதானே கொடுக்க வேண்டும் என்கிறதைரியம்,,,,
பலரை கீழே அதளபாதாளத்துக்கு தள்ளிக் கொண்டிருக்கிறது
அதுவும் போதாக் குறைக்கு எல்லாவற்றிலும் இருக்கும்
ஏமாற்றுக் காரர்கள் இவற்றிலும் தங்கள் கை வரிசையைக்
காட்டுகிறார்கள், அடுத்தவரின் கடவு எண்ணை உபயோகித்து
அவருடைய வங்கியில் உள்ள அத்தனை பணத்தையும்
கபளீகரம் செய்யும் குற்றத்தை செய்து கொண்டிருக்கிறார்கள்
அத்தனைக்கும் காரணம் மனிதர்களின் பேராசைதான்

வருமானத்துக்கு தக்கபடி செலவு செய்து வளமாக
வாழ்ந்தவர்கள் நம் முன்னோர்
நாமோ அளவுக்கு அதிகமாக செலவு செய்து
அவமானத்தை தேடிக் கொண்டிருக்கிறோம்
கையில் இருக்கும் காசை எண்ணிப் பார்த்து செலவு செய்ததால்
அவர்களுக்கு வழ்க்கையின் திட்டமிடுதல் பழகி இருந்தது
இப்போது அப்படியில்லை
செலவு செய்து விட்டு மாட்டிக் கொண்டு முழிக்கிறோம்

ஒரு காலத்தில் தங்க நகை வாங்குவது தங்களுடைய
அந்தஸ்தை காட்டிக் கொள்ளவும் , அதற்குப் பிறகு
ஆபத்துக்கு தங்கம் உதவும் என்கிற எண்ணத்தினாலும்
தங்கம் வாங்கினர்...இப்போது ஆடம்பரத்துக்கே
தங்கம் அதிகம் பயன் படுகிறது
அரசே தங்கத்தை வாங்கிக் குவிக்கிறது
எல்லா நாடுகளும் தங்கம் வைத்திருக்கும் நாடுகளை
தராசில் நிறுத்து தகுதியை எடை போடுகிறது

தங்கம் வாங்குவதில் மீண்டும் விற்பதில்
உள்ள சிக்கல்களை ஆரய்ந்தால்

நாம் வாங்கும்போது செய்கூலி, சேதாரம் அதைத்தவிற
வரிகள் என்று ஏராளமான செலவை நமக்கு
ஏற்படுத்தி லாபம் சம்பாதிக்கும் தங்க வியாபாரிகள்
அதே நகையை அவர்களிடம் மீண்டும் கொடுத்துவிட்டு
வேறு நகை வாங்கும் போது நாம் கொடுக்கும்
தங்கத்தின் விலையை வெகுவாகக் குறைத்து
மீண்டும் செய்கூலி, சேதாரம் எல்லாம் போட்டு,
மீண்டும் அவர்களிடம் வாங்கும் நகைக்கு செய் கூலி
சேதாரம் எல்லாம் போட்டு,,..... அப்பப்பா
நாம் உழைத்த பணம் நம்மை அறியாமலே தங்க நகை
வியாபாரிகளால் சுரண்டப் படுகிறது
அது மட்டுமல்ல கற்கள் பதித்த நகைகள் வாங்கினால்
வேறு வினையே வேண்டாம்
நமக்கு அவர்கள் விற்கும்போது கற்களுடன் சேர்த்து
எடை போட்டு அனியாய விலைக்கு விறபார்கள்
நாம் அதை மீண்டு அவர்களிடம் விற்கும்போது '
கற்களையெல்லாம் எடுத்து விட்டு,
அதற்கு மேலும் அந்த தங்கத்தை உருக்கி அழுக்கெடுத்து
அப்போது எவ்வளவு எடை இருக்கிறதென்று கணக்குப் பார்த்து
நமக்கு செலவு வைக்கிறார்கள்,நம்மை முட்டாளாக்குகிறார்கள்
இதைபோன்ற அனியாயத்தை நாம் தினமும் சந்திக்கிறோம்


தங்கத்தால் ஏற்பட்ட பேரழிவுகள்...


தங்கம் இன்று உலக வர்த்தகத்திலும், உலக மக்களின் மனங்களிலும் முக்கிய
இடத்தை பிடித்துள்ளது. ஆனால் வரலாற்றில் பல ரத்தக் கரைகளையும்
கொடுரங்களையும் கொண்டுள்ளது. உலக வரலாற்றில் தங்கத்துகாக நடந்த
படுகொலைகளில் சில.., இங்கே உங்களின் பார்வைக்கு...

1493 - 1520ம் வருடங்களுக்கிடையில் மேற்கு இந்தியா
22 டன் தங்கம் வெட்டிஎடுக்கப்பட்டது
என்று சேத்பெர் மதிப்பிடுகிறார்.
இந்த தங்கத்தை பெறுவதற்காக அனேகமாக அங்கிருந்த
சுதேசி மக்கள் அனைவருமே அழிக்கபட்டார்கள்.
தீவின் மக்கள் தொகை முதலில் 10 முதல் 30 லட்சமாக
இருந்ததென்று பல மதிப்பீடுகள் உள்ளன.
1514ம் வருடத்தில் 13,000 - 14,000
மக்கள் மட்டுமே எஞ்சிஇருந்தனர் என்று
லாஸ் கசல் என்பவர் தன்னுடைய
புத்தகத்தில் குறிப்பிட்டுள்ளார்.

இந்த காலகட்டத்தின் போது ஸ்பானிஷ்காரர்களின் தங்கவேட்டையின் விளைவாக
மத்திய அமெரிக்காவின் வேறு பகுதிகளில் இருந்த
ஏராளமான மக்களும் அழிந்தார்கள் என்று நினைவு படுத்திக்கொண்டால்
இந்த 22 டன் தங்கத்தின்
விலை 20 லட்சம் உயிர்கள்,
அதாவது ஒரு டன்னுக்கு 1,00,000 உயிர்கள் அல்லது
ஒரு அவுன்சுக்கு முன்று உயிர்கள் விலை
என்று சொல்வது தவறில்லை. மஞ்சள்
உலோகத்தின் ரத்தக்கறை படிந்த வரலாற்றில்
இது மிக குரூரமான சாதனையே...

இதேபோல இன்று மெக்சிகோ என்று பெயரிடப்பட்டிருக்கும் பிரதேசத்திலிருந்த,அஸ்டெக் அரசு ஒரு வளர்ந்த நாகரீகத்தை கொண்டு இருந்தது.
அஸ்டெக்க்குகளின் தலைநகரமான டெநேச்டிட்லனை முற்றுகையிட்டுக் கைப்பற்றியபோது அங்கே வாசித்த
3,00,000 மக்களில் 2,40,000 பேர்கள் கொல்லப்பட்டதாகவும் வெற்றியாளர்கள் 600 கிலோ தங்கத்தையே கைப்பற்றியதாக பழைய சுவடிகள் கூறுகின்றன...

இப்படி தங்கம் பல காலக்கட்டங்களில் பல லட்சம் மக்களின் உயிர்களைக்
குடித்துக் கொண்டிருந்தது என்பது வரலாற்றில் மறுக்க முடியாத உண்மை.....

மேற்கண்ட குறிப்புகள்
பிரபலமான சோவியத் பொருளியலாளரும், எழுத்தாளருமான
பேராசிரியர் அ. வி.அனிக்கின் எழுதிய
"மஞ்சள் பிசாசே" (Yellow Devil) என்னும்
நூலிலிருந்து பெறப்பட்டவை...
அவைகளை தங்கத்தின் மீது இருக்கும்
மோகத்தை அழிக்கவே இங்கு இட்டிருக்கிறேன்

ஆனாலும் நகைக்கடைகளில் கூட்டத்துக்கு பஞ்சமில்லை
இத்தனைக்கும் காரணம்
நம்முடைய அறியாமை,பேராசை,வீண் படாடோபம்
இதைத்தான்
பெரியோர் வட்டிக்கு வாங்கி அட்டிகை செய்து
அட்டிகை விற்று வட்டியைக் கட்டு என்று சொல்லி இருக்கிறார்களோ

அன்புடன்
தமிழ்த்தேனீ

பழமொழிகள் ஆய்வு எண் 5

Min tamil

கல்லடிக்குத் தப்பினாலும் கண்ணடிக்குத் தப்பாது

அருமையான பழமொழி

கல்லால் அடித்தால் எப்படியாவது தப்பி விட முடியும்
பெண்கள் கண்ணால் அடித்தால் கயல் விழிகளால்
காதல் என்னும் வில்லால் அடித்தால்
தப்ப முடியுமோ....ஆனானப்பட்ட விஸ்வாமித்திரரே தப்ப முடியவில்லையே
அவ்வளவு ஏன் காமன் கணை தொடுத்தததனால்
ஈசனே தப்ப முடியவில்லையே மோகினியிடம் மனதைப் பறி கொடுத்து விட்டாரே
இப்படியெல்லாம் தோன்றினாலும் இவையெல்லாம் உருவகக் கதைகளாகப் பட்டாலும்,
முடிவு என்னவோ கண்ணடிக்கு தப்ப முடியாது என்பதுதான்

ஆமாம் இப்பழமொழி என்ன பொருள் வருமாறு பெரியவர்கள்
கூறி இருக்கிறார்கள்....?
கண்ணொடு கண் நோக்கின் வாய்ச்சொற்கள்
ஏது பயனுமில என்று சொல்வார்கள்
ஆனானப்பட்ட ராமனும் லோக மாதாவான சீதையும் இல்லறத்தில் மாட்டிக் கொள்ளவில்லையா...?
"எண் சாண் உடலுக்கு சிரசே ப்ரதானம்
ஒருசாண் சிரசுக்கு கண்ணே ப்ரதானம் "

ஆமாம்
கர்ணனின் மனைவி பானுமதி பாடுவது போல
ஒரு பாடல் கண்ணதாசன் எழுதினார்
கண்கள் எங்கே நெஞ்ஜமும் அங்கே
கண்ட போதே சென்றன அங்கே
என்று
கண்ணால் கண்டவுடனே நெஞ்ஜமே இடம் மாறுகிறது
என்றால் என்ன ஒரு சக்தி கண்ணுக்கு...?
லோக மாதாவின் கடைக்கண் பார்வை பட்டாலே
அங்கு ககனமே செழித்தோங்குமே
குசேலனைக் கடைக்கண் கொண்டு பார்த்தாள்
மஹாலக்ஷ்மி கண்ணனின் வேண்டு கோளுக்கிறங்கி
குசேலன் குபேரனானான் என்று சொல்லுவர்

என் அமுதனைக் கண்ட கண்கள் மற்றொன்றினைக் காணாவே
என்று அரங்கனைக் கண்ட கண்ணால் வேறு எதையுமே பார்க்காமல் தன்னுடைய இன்னுயிரைத் துறந்தார்
திருப்பாணாழ்வார், அடடா என்ன ஒரு சக்தி கண்ணுக்கு...?

கைதேர்ந்த அனுபவமிக்க சிற்பிகள்
முதலில் ஒரு சிலையை வடிக்க
தோஷமில்லாத கல்லைத் தேர்ந்தெடுப்பர்
தேரை இருக்கும் கல் என்றால்
அதனைத் தள்ளிவிடுவர் அது போல அவர்கள்
ஒரு கல்லை செதுக்க உளி என்னும் ஆயுதத்தைப் பயன்படுத்துவர் , அப்படி உளியால் செதுக்கும்
போது மொத்த சிலையையும் வடித்துவிட்டு
அந்தச் சிலைக்கு கண்ணை மட்டும் திறக்காமல்
விட்டு வைப்பர் ஏனென்றால் மற்ற பாகங்கள்
கல்லடி பட்டாலும் ,அதாவது கொஞ்ஜம் சிதைந்தாலும்
அதை வேறு சிலையாக அளவைக் குறைத்து மீண்டும் சரி செய்து விட அவர்களின் திறமை பயன்பட்டது
ஆனால் கண்ணடி பட்டால் ,அதாவது அந்தச் சிலையின் கண்
ஏதேனும் அஜாக்கிறதையினால் அடி பட்டுவிட்டால்
அந்தச் சிலையை மீண்டும் சரி செய்ய முடியாது
அதனால் அதற்கென்று ஒரு நேரம் ஒதுக்கி
இன்னும் கொஞ்ஜம் கவனமாக கண்ணை செதுக்கும் போது
வெகு தீவிரமாக கலைநுணுக்கத்தோடு
அதிக கவனத்தோடு சிலையின் கண்ணைத் திறப்பர்
அதனால்தான் கல்லடி பட்டாலும் கண்ணடி படக்கூடாது
என்று சொல்லி இருப்பரோ பெரியவர்கள்....?
அது மட்டுமல்ல ஒரு சிலை முழுமை பெறும் வரை
சிற்பியைத்தவிற மற்றவர்கள் அதைப் பார்க்க அனுமதிக்க மாட்டார்கள்
ஏனென்றால் அதைப் பார்க்கும் யாராவது ஒருவர்
கண் திருஷ்டி போட்டுவிட்டால் சிலை சரியாக வராது என்பது
சிற்பிகளின் நம்பிக்கை

கண்ணடி என்பது கண் திருஷ்டி என்று பொருள் வருகிறது
ஆமாம் கண் திருஷ்டி என்று ஒன்று உண்டா
அதெல்லாம் சுத்தப் பயித்தியக் காரத்தனம்
என்று நாகரீகம் முற்றிய நிலையில் என் மனம் அதை ஒதுக்கினாலும் பெரியவர்கள் என்ன காரணத்துக்காக இப்படி சொல்லி இருக்கிறார்கள் என்று அலசினால்…

எப்படி இப்போதும் இளமையாக காட்சி அளிக்கிறீர்கள்
என்று கேட்பவர்களுக்கு நான் விளையாட்டாக பதில் சொல்வேன்
சிறு வயதிலேயே முதியவன் போல தோற்றம் அமைந்து விட்டதால் ,அப்போதிலிருந்தே உங்கள் கண்கள் என்னைப் பார்த்து
பழகிவிட்டதால் இப்போதும் என்னால் அதே மாதிரி தோற்றமளிக்க முடிகிறது என்று

கண்ணுக்கு பழக்கம் மிக முக்கியம் என்பது இந்த பதிலால்
கொஞ்ஜம் விளங்குகிறது அல்லவா

ஆமாம் இந்தக் கண்களின் பழக்கம் நமக்கு
எப்படி மாற்றங்களை ஏற்படுத்துகிறது என்பதற்கு
என்னுடைய வாலிப வயதிலே எனக்கு ஏற்பட்ட
ஒரு சம்பவத்தை ஆராய்வோம்
ஒரு நாள் வில்லிவாக்கம் என்னும் ஊரிலே நான் சாலையில் நடந்து போய்க்கொண்டிருந்தேன்
அனேகமாக பருவப் பெண்கள் எதிரே வந்தால் அவர்களை
இந்தக் காலத்தில் இளைஞ்ஜர்கள் வெறிப்பதைப் போல
என்னால் பார்க்க முடிந்ததில்லை
ஏனென்றால் என் தாயாரின் வளர்ப்பு அப்படி
ஆனால் அதையும் தாண்டி ஒரு பெண்ணை
வைத்த கண்வாங்காமல் பார்த்த அநாகரீகமான செயலை
நான் செய்தேன்..........
ஏன் அப்படி செய்தேன் என்று என்னையே நான் ஆராய்ந்ததில்
எனக்கு ஒரு முடிவு கிடைத்தது அது '
அந்தப் பெண்ணின் கண்களில் இருந்த காந்தமோ
அல்லது அந்தப் பெண்ணின் பேரழகோ
ஏதோ ஒன்று என்னை ஈர்த்திருக்கிறது என்று உணர்ந்தேன்
மறு நாளும் அதே நேரத்துக்கு அதே சாலையில் நான் சென்று அந்தப் பெண்ணைக் காண தவமிருந்தேன்
அது ஒரு நேர ஒற்றுமையோ, அல்லது என் அதிர்ஷ்டமோ
மீண்டும் அதே தேவதை நடந்து வந்து கொண்டிருந்தாள்
மருநாளும் அவளையே பார்த்துக் கொண்டிருந்து விட்டு வீட்டுக்குத் திரும்பினேன்.....
இது போல தொடர்ச்சியாக அவளைக் காண்பதும்
ஒவ்வொரு நாளும் என்னுடைய மனநிலை மாறு பாட்டை
அலசுவதும் எனக்கு ஒரு பெரிய ஆராய்ச்சியாகப் பட்டது

முதல் நாள் அவளைப் பார்த்தவுடன் நான் அதிர்ந்தேன்
ஆம் அவள் அழகு என்னை மயக்கியது
அவள் கண்கள் என்னை அடித்துப் போட்டது

மறு நாள் அதே அழகுடன் அந்தப் பெண்
அதே வாலிப வயதுடன் நான்
ஆனால் முதல் நாள் என்னை அடித்துப் போட்ட அந்த அழகின் ,கவர்ச்சியின் விகிதா சாரம் மறுநாள் சற்றே குறைந்திருந்தது
அதற்கு மறு நாள் இன்னும் சற்று குறைந்தது,
இப்படியே நான் அவளைப் பார்த்த கடைசீ முறை
எனக்கு அவள் பால் ஏற்பட்ட கவர்ச்சியின் விகிதா சாரம் வெகுவாக குறைந்து போய் விட்டது,
ஏன் இந்த மனோ நிலையில் இவ்வளவு மாற்றம் என்று யோசிக்க ஆரம்பித்தேன்
இறைவனின் படைப்பின் அற்புதத்தை யோசிக்க ஆரம்பித்தேன்
உலகில் உள்ள அத்துணை பெண்களுக்கும்
ஒரே மாதிரி அவயவங்கள்
உலகில் உள்ள அத்துணை ஆண்களுக்கும் ஒரே மாதிரி அவயவங்கள்
ஆனால் அவைகளை அமைக்கும்போது அளிக்கும் சிறு சிறு அளவு மாற்றங்களால் கோடானு கோடி மக்களை கோடானு கோடி விதமாகப் படைக்கும் இறைவனின் அற்புதம் விளங்கியது
சிறு சிறு அளவு மாற்றங்களில் இத்துணை மாற்றுப் படைப்புகள் கொடுக்க முடியுமா...?முடிகிறதே இறைவனால்

அதனால் எனக்குத் தோன்றிய
கவிதை வரிகளில் அதை வடித்தேன்

அதிரூப சுந்தரிக்கும் அழகில்லாப் பெண்களுக்கும்
அமைப்பெல்லாம் ஒன்றேதான்
அளவில்தான் வேறுபாடு
வெறிக்கின்றார் வெறிக்கின்றார்
அதி ரூப சுந்தரியை
வெறுக்கின்றார் வெறுக்கின்றார்
அழகில்லாப் பெண்களைத்தான்
அமைப்பெல்லாம் ஒன்றேதான்
அளவில்தான் வேறுபாடு

கற்றரிந்த புலவர்களும் கல்வி இல்லா
மூடர்களும் தன்னடக்கம் மிகக் கொண்டே
தான் வணங்கி இருக்கின்றார்
அமைப்பெல்லாம் ஒன்றேதான்
உள் அடக்கம்தான் வேறு பாடு

முழு நிலவோ மறைஒ நிலவோ அலைகடல்
தான் ஆர்ப்பரிக்கும்
அமைப்பெல்லாம் ஒன்றேதான்
உள் அடக்கம்தான் வேறுபாடு
என்று.........
அவ்வளவும் கண்கள் செய்த மாயம்,ஆமாம்
கண்கள் இதயத்தின் வாசல் என்று யாரோ
கூறியது நினைவுக்கு வருகிறது
முடிவு என் கண்களுக்கு அவள் அழகு பழகிவிட்டது
அவ்வளவே ,அவள் அழகு சற்றும் குறையவில்லை
என்பதே உண்மை
என் கண்களுக்கு அவள் அழகு பழகிவிட்டதால் என் இதயத்தில்
முதல் நாள் ஏற்பட்ட அதிர்வுகள் வரவில்லை
ஆகவே நாம் கண்ணால் பார்ப்பது இதயத்தை பாதிக்கும் என்பது உண்மைதானோ...?

அப்படியானால் கண் திருஷ்டி என்பது உண்மையாகத்தான்
இருக்க வேண்டும் ....
கண்களால் பார்த்தால் இவ்வளவு பாதிப்பு ஏற்படுமானால்
எவ்வளவு ஜாக்கிறதையாக இருக்க வேண்டும் நாம்...?

முன்பெல்லாம் பல தவ வலிமை பெற்றோர்
கண்ணால் பார்த்தே ஒரு பெண்ணுக்கு ஒரு சிசுகர்ப்பம்
ஏற்படுத்த முடியும் என்று பல கதைகள் கேட்டிருக்கிறேன்
அது உண்மையா என்று ஆராய வேண்டும்
ஆக கண்களுக்கு இருக்கும் சக்தி வலிமையானதுதான்
என்பதில் சந்தேகமில்லை,ஆகவே
கல்லடி பட்டாலும் கண்ணடி படக்கூடாது என்று பெரியவர்கள் சொன்ன பழமொழி உண்மையாக் இருக்கக் கூடும்
ஒரு பெண்ணை ,அவள் அழகை ரசிப்பதில் தவறேதும் இல்லை
ஆனாலும் அதில் ஒரு நாகரீகம் இருக்க வேண்டும்
நம் கண்கள் பார்ப்பதை அவள் உணர்ந்தாலும்
அந்தப் பார்வை அவளுக்கு உறுத்தாத வகையில்
இருக்க வேண்டும் என்று தோன்றியது

பருவ வயதில் ஏற்படும் விழிப்புணர்ச்சி
இயல்பானதுதான்,ஆனால் விழி புணர்ச்சி மிகவும்
தவறானது அல்லவா...?
அதனால்தான் பெரியவர்கள் திருஷ்டி சுற்றிப் போடுங்கள் என்கிறார்கள்
"கண்ணொடு கண் நோக்கின் வாய்ச்
சொற்கள் ஏது பயனுமில " என்னும் வாக்கிற்க்கேற்ப
கண்ணடி படுதல் கூடாது
கல்லடி பட்டால் ஆறும் கண்ணடி பட்டால் கஷ்டம்தான்
முன்பெல்லாம் நாம் எழுது கோலாக பயன் படுத்தி வந்த
ஒரு சாதாரண பென்சிலின் கூர்முனையை
நம்முடைய இரு கண்ணுக்கு மத்தியில் வைத்து இரு கண்ணாலும் நாம் அந்த கூர் முனையைப் பார்த்தாலே
சிறிது நேரத்தில் தலை சுற்றும், தலை வலிக்கும்
ஏனென்றால் நம் இரு கண்ணின் பார்வை அலகுகள்
ஒரு சேர ஒரு புள்ளியில்..
அதாவது இரு கண்ணுக்கு இடையே சந்திக்கும்போது
அது நம் நெற்றிப் பொட்டில் சந்திக்கின்றது
நெற்றிப் பொட்டில் இரு கண்ணின் பார்வையின்
அலகுகள் சந்திக்கும் போது நம் மூளையில்
ஏதோ ஒரு மாற்றம்,அல்லது ஒரு பாதிப்பு வருகிறது
அதனால் தலைய வலிக்கிறது, தலை சுத்துகிறது
அப்ப்டி இருக்க கண்ணடி படலாமா...கூடாது
மனோ தத்துவ நிபுணர்கள் ஒரு பெண்டுலத்தை
ஆட்டி விட்டு அதையே பார்கச் சொல்லுகிறார்கள்
அப்படி பார்த்துக் கொண்டிருக்கும் போதோ
அல்லது அவர்களின் கண்ணையே பார்க்கச் சொல்லுகிறார்கள்
அப்படி நம்முடைய சாதாரண கண்கள்,அந்த மனோ தத்துவ
நிபுணரின் சக்தி வாய்ந்த கண்களைச் சந்திக்கும் போது
நம்முடைய பார்வையின் சந்திப்பு புள்ளியும்
அவருடைய பார்வையின் சந்திப்பு புள்ளியும்
ஒரு இடத்தில் சந்திக்கின்றன, சற்று நேரத்தில்
நம்முடைய சாதாரண கண்ணின் பார்வையின் வீரியம்
குறைந்து மனோதத்துவ நிபுணரின் பார்வையின் வீரியம் அதிகமாகும்போது நம் பார்வையின் சந்திப்பு புள்ளி
பின் வாங்குகிறது, அப்படி பின்வாங்கி அவருடைய பார்வையின்
சந்திப்பு புள்ளி நம்முடைய நெற்றிப் பொட்டில்
வந்து தாக்கும் போது நாம் வலுவிழக்கிறோம்
அவர் சொல்லுக்கு கட்டுபட்டு மயங்குகிறோம்
நம் மூளை அவர் கட்டுப்பாட்டில் வருகிறது
அதனால்தான் நெற்றிப் பொட்டை மறைத்து
ஏதேனும் ஒரு பொட்டு வைத்துக் கொள்ளச் சொல்லி
நம் முன்னோர் நம்க்கு அறிவுறை சொன்னார்களோ
அடடா பெரியவர்களின் ஞானம் நம்மை வியக்க வைக்கிறது
அந்தக் காலத்துப் பெரியவர்களின் ஞானம்தான்
இந்தக் காலத்து விஞ்ஜானம் என்கிற உண்மை புறிகிறது
அப்போது விஞ்ஞானம் என்று சொன்னால் நமக்குப் புறியாது
என்கிற ஒரே காரணத்தினால் அவர்கள் மெய்ஞானம்
என்று அனைத்தையும் ஏற்படுத்தி விட்டு சென்றனரோ
என்று எண்ணிப் பார்க்கையில் வியப்பேற்படுகிறது
அவர்களின் தீர்க்க தரிசனத்தின் மேல்

கல்லடி படவேண்டாம், கண்ணடி...... படவே வேண்டாம்
பெரியோர் சொல் வேதம்... நம்புவோம்

அன்புடன்
தமிழ்த்தேனீ

பழமொழிகள் ஆய்வு எண் 4

" அழுத பிள்ளை தான் பால் குடிக்கும்"

அருமையான முது மொழி

பசியெடுத்தாலும் அழாமல் ,
அதாவது எந்த
ஒரு முயற்சியும் எடுக்காமல்
நான் இன்னும் முன்னுக்கு வரவில்லையே
என்று கவலைப் படும் பலர்,
அதாவது பரவாயில்லை,
அடுத்தவர்கள் முன்னுக்கு வந்து விட்டார்களே
என்று கவலைப்படும் பலர்,
இப்படி பலவகை மனிதர்கள் இருக்கிறார்கள்
அவர்களுக்கெல்லாம் உணர்த்துவது போல்
இந்த முதுமொழி அமைந்திருக்கிறது

நான் ஒரு முழு நீள நாடகத்தை
மூன்று நாளில் எழுதி முடிக்கும்
வழக்கமுடையவன்.......
என்னை பார்த்து சக நாடக எழுத்தாளர்கள்
கேட்பார்கள் மூன்று நாளில் எப்படி எழுதி
முடிக்கிறாய் என்று
அவர்களுக்கு நான் பதில் சொல்லுவேன்
மூன்று நாளில் முடிக்க முன்னூறு நாள்
யோசித்திருக்கிறேன்,உழைத்திருக்கிறேன்
என்று.....
இதுதான் வெற்றியாளர் பலரின் ரகசியம்
பலபேர் சொல்வதைக் கேட்டிருக்கிறேன்
நேத்து கூட நான் அவரைப் பார்த்தேன்
ஒரே நாளில் அவர் கோடீஸ்வரராக
ஆகிவிட்டார் என்று,
ஒரே நாளில் கோடீஸ்வரராக ஆவதற்கு அவர்
எத்துணை முயற்சிகள் செய்திருப்பார் பலகாலமாக
அது வெளியே தெரிவதில்லை, எப்போதும் வேர்கள்
வெளியே தெரியாது விருட்ஷம் மட்டும் தான் தெரியும்
குள்ளமாக வாமனாவதாரம் எடுத்த நாராயணனின்
விஸ்வரூபம் வெகு சிலரே பார்த்திருக்கக் கூடும்
ஆனால் அந்த விஸ்வரூபத்தைக் கண்டவர்கள்கூட
அந்த விஸ்வரூபத்தின் பின்னால் இருக்கும்
"அணுவை சத கூறிட்ட அணுவிலும் உளன் "
என்று ஆன்மீகப் பெரியார்கள் சொன்னாற் போலே
அந்த அணுவிலிருக்கும் இறைவனைக் கண்டிருப்பார்களா
என்பது சந்தேகமே ....
அது போலத்தான் முயற்சிகளை காணாதோர் முடிவை
மட்டும் கண்டு ஆச்சரியப் படுகின்றனர்

முயற்சி செய்யாமல் பலனை மட்டும் எதிர் பார்க்கும்
பலருக்கு செயலில்லாமல் விளைவு இல்லை
என்பது புறியவில்லை,
கண்ணன் கீதையிலே சொன்னது போல செயலை
அல்லது , கடமையை செய் பலனை எதிர் பாராதே...
அதாவது நீ கடமையை ஒழுங்காக செய்தாலே
பலனை நீ எதிர் பார்க்க வேண்டாம்,
தானாகவே வரும் என்னும் பொருள் பட சொன்னது போல
கடமையைக் கூட செய்யாமல் இருப்பவர்களை கடமையை
செய்யத்தூண்டுவது போல இந்த முதுமொழி அமைந்திருக்கிறது


ஒரு உணவகத்தில் நான் ஒரு குழாயில் கையை
சுத்தம் செய்து கொண்டிருந்தேன்
இன்னொரு கோடியில் கடைசீக் குழாயில் இன்னொருவர்
கையை சுத்தம் செய்துகொண்டிருந்தார்

அவரைப் பார்த்து நான் சொன்னேன் வேடிக்கையாக
நீங்களும் நானும் கோடியில் ஒருவர் என்று
ஆமாம் அந்தக் கோடியில் அவர் இந்தக் கோடியில் நான்
அது போல வெகு சிலரே கோடியில் ஒருவராக
முயற்சி செய்கிறார்கள்
அல்லது கோடிகளுக்காக முயற்சி செய்கிறார்கள்
ஆகவே முயற்சி திருவினையாக்கும் என்பதைத்தான்
அழுத பிள்ளை பால் குடிக்கும் என்று சொல்லி
இருக்கிறார்களோ என்று எனக்குத் தோன்றுகிறது

இன்னொரு முக்கியமான விஷயமும் நினைவுக்கு வருகிறது
ஒவ்வொரு மனிதரும் பிறக்கும் போது
அத்துணை நாட்கள் ஒரு தண்ணீர் நிரம்பிய
பையில் நீந்திக் கொண்டிருந்தாலும் ,
அந்த தண்ணீரிலும் அந்தக் குழந்தை ஸ்வாசிக்க
காற்றையும், தொப்புள் கொடி வழியே தாய்மையின்
உணர்வுபூர்வமான சக்தி , தாய் உண்ணும்
உணவிலிருந்தே எடுக்கப்பட்டு அக்குழந்தைக்கு ஏற்ப
அவ்வுணவை மாற்றி அனுப்பிய அபூர்வ சக்தியினால்,
உணவாக அனுப்பப்பட்டும் ,
அக்குழந்தை பாதுகாக்கப்படுகிறது....
அது மட்டுமல்ல தாயின் தொப்புள் கொடியிலிருந்து
தயாரிக்கப்படும் மருந்து அந்தக் குழந்தைக்கு மட்டுமல்ல
அனைத்து குழந்தைகளுக்கும் உயிர் காக்கும் ஜீவரசமாக
இருக்கிறது என்பதை விஞ்ஜானத்தில் கண்டு பிடித்து
அவைகளைப் பாதுகாக்க்க ஆரம்பித்திருக்கிறார்கள்
மேலும் தாய்ப் பால் குடிக்கும் குழந்தைகளுக்கு
நோய் எதிர்ப்பு சக்தி அதிகம் என்று நம்
முன்னோர்கள் கூறியதையே இப்போதைய
விஞ்ஞானிகளும் ஆராய்ச்சி செய்து
ஒப்புக் கொண்டிருக்கிறார்கள்
இப்படி இன்று நாம் கண்டு பிடிக்கும் அனைத்துமே
ஏற்கெனவே ஒருவன் கண்டு பிடித்து
செயலாற்றி இருக்கிறான் என்றால்..அவன்தான்
இறைவன் என்று ஒப்புக் கொள்வதில் தவறென்ன...?
ஏற்கெனவே அவன் உருவாவாக்கியதை கண்டு பிடித்த
நமக்கே விஞ்ஜானி என்று பெயரென்றால்
உருவாக்கிய அவனை இறைவன் என்று சொல்வதில்
தவறென்ன ....?
என்னே இறையின் சக்தி ,..!!!
என்னே இறையின் படைப்பு ரகசியம்
யார் சொன்னது இறை இல்லையென்று...?
தயவு செய்து மாற்றிக் கொள்ளுங்கள்
அவனன்றி ஒரு அணுவும் அசையாது

அப்படி பாதுகாப்பாய் இருந்த குழந்தை
இயற்கையின் வழியே இந்த பூவுலகுக்கு
வருவதற்காக இடையே நசுக்கப் படுகிறது
நசுக்கப் பட்டு நழுவி முதலில் தலையைக் காட்டி
பின் மொத்தமாக இந்தப் ப்ரபஞ்ஜப் ப்ரவேசம்
அடைகிறது, அப்படி நசுக்கப் படும்போது
அது வரை அந்தக் குழந்தை ஸ்வாசித்த
காற்றும் தடைப்படுகிறது
அந்தக் குழந்தை வெளியே வந்து பூமியில்
விழுந்து அதன் உடல் இயக்கம்
ஆரம்பிக்க இருக்கும் அந்த இடைவெளியில்
அதற்கு மூச்சுவிட காற்று தேவை
அந்தக் காற்று உள்ளே போகும் வழியை
இது வரை இருந்த குடியிருந்த கோயிலின்
கருப்பக் க்ரகத்தில் இருந்த கருணையே
வடிவான தண்ணீரில் இருந்து விட்டு
திடீரென்று வெளியே வரும் போது
புறத்தில் இருக்கும் தண்ணீர் போய்விடும் ஆனால்
உள் உறுப்புகளில் முக்கியமாக ஸ்வாசக் குழாயில்
இப்போது அடைத்துக் கொண்டிருக்கும்,
அந்த தண்ணீர் வெளியேறினால்தான் காற்று
உள்ளே புக முடியும்
அதற்குதான் குழந்தை முயற்சி செய்து
அழ ஆரம்பிக்கிறது உரக்கக் குரலெடுத்து
அழ ஆரம்பிக்கிறது, அப்படி அந்தக் குழந்தை
அழும்போது அந்த தண்ணீர் ஸ்வாசக் குழாயிலிருந்து
வெளியேறுகிறது ,அப்படி தண்ணீர் வெளியேறியவுடன்
குழந்தை முதல் மூச்சு விடுகிறது
அப்படி அழவில்லையென்றால் மருத்துவர்கள்
அடித்தாகிலும் அக் குழந்தையை அழ விடுவர்
ஏனென்றால் அழுதால்தான் மூச்சே....
முதல் மூச்சே விடமுடியும்
முதல் மூச்சு விட்டால்தானே பிழைக்கும்
பிழைத்தால்தானே பால் குடிக்கும்
அதனால்தான் அழுத பிள்ளை பால் குடிக்கும்
என்று ஆன்றோர்கள்
சொல்லிவிட்டு சென்றிருக்கலாம்


புரட்சி எங்கு உருவாகிறது என்று நானே
எனக்குள் கேள்விகள் கேட்டுக் கொண்டு
பல நாள் ஆராய்ந்து அதன் மூலத்தை
என்னுடைய பாணியிலே
ஒருகவிதையாக வடித்தேன்

" புரட்சி "
"அசை, புரளு, கவிழாதே நிமிரு
இயக்கம் கொள் பேரியக்கம் கொள்
அப்போதுதான் கருவரையிலிருந்தே
நீ வெளி வரமுடியும்
இல்லையென்றால் இறந்த குழந்தை "


என்று
ஆமாம் கருவரையிலேயே புரட்சி ஆரம்பித்து
விடுகிறது என்பதே உண்மை
இப்போது சொல்லுங்கள்

அழுத பிள்ளை பால் குடிக்குமா..........?
அழாத பிள்ளை பால் குடிக்குமா...?



அன்புடன்
தமிழ்த்தேனீ

பமொழிகள் ஆய்வு எண் 3

பழமொழிகள் ஆய்வு
எண் 3


ஆல் போல் தழைத்து அருகு போல் வேரோடி
மூங்கில் பொல் சூழ்ந்து முடிவில்லாமல் வாழ்ந்திருப்போம்

ஆல்போல் தழைத்து:

ஆல மரம் போல் வேரெந்த மரமும் இல்லை என்றே சொல்லலாம்,
அந்த அளவுக்கு ஆல மரம் நம்முடைய வாழ்க்கை
நெறிகளையும், நாம் வாழ வேண்டிய விதத்தையும்
நாம் கற்றுக் கொள்ள நமக்கு ஒரு ஆணி வேராக
இருக்கிறது

ஆல மரத்தை நன்கு கூர்ந்து கவனித்த நம் பெரியோர்கள்
ஆல் போல் தழைத்து என்று சொல்லி இருக்கிறார்கள்
ஆஹா எவ்வளவு அருமையான சுந்தரத்தமிழ் வார்த்தை
"தழைத்து" நம் நாவினால் இந்த வார்த்தையை உச்சரிக்கும்போதே எவ்வளவு ஆரோக்கியமாக உணர்கிறோம்
தழைத்தல் என்றால் பெருகுதல்; வளருதல், எவ்வளவு மங்கலமான வார்த்தைகளை நம் முன்னோர்
உபயோகப் படுத்தி இருக்கின்றனர்
ஆச்சரியமாக இருக்கிறது
என்னுடைய சிறு வயதில் என் தாயார் என் தந்தையாரிடம்
சொன்னார் "ஆத்துலெ அரிசிப் பானை நிறைந்திருக்கிறது
சாயங்காலம் வரும்போது வாங்கிக் கொண்டு வந்து
விடுங்கள் என்று"
எனக்கு சந்தேகம்... ஏனம்மா அரிசியே இல்லையே பானையில்
நிறைந்திருக்கிறதுன்னு அப்பாகிட்ட சொன்னியே
தப்பு தப்பா சொல்ற என்றேன்
அதற்கு என் தாயார் சொன்ன வார்த்தைகளை
இங்கு குறிப்பிட்டே ஆகவேண்டும்

கண்ணா தமிழ் ஒரு நல்ல மொழி
அதுனாலெ நாம எப்பவுமே நல்லதை உபயோகிக்கும் போது
வெகு ஜாக்கிறதையாக உபயோகிக்க வேண்டும்
பொதுவா தமிழ் மொழிக்குன்னு ஒரு சிறப்பு இருக்கு
நல்ல தமிழில் சாபமிட்டா உடனே பலிக்கும்னு பெரியவா சொல்லுவா....
அதுனாலெதான் முன்னெல்லாம் நம்ம நாட்டை ஆண்ட
சக்ரவர்த்திகள் கூட தமிழுக்கு மரியாதை கொடுத்தா
தமிழ்ப் புலவர்களுக்கு மரியாதை கொடுத்து
அவங்களோட மனசு கோணாம நடந்துண்டா
அத்னாலே அமங்கலமான சொற்களை சொல்லக் கூடாது
அதுனாலெதான் அரிசி இல்லேனு சொல்லாம
அரிசிப்பானை நெறைஞ்சிருக்குன்னு அப்பாகிட்ட
சொன்னேன்..... அப்பாவுக்கும் தெரியும் தமிழோட அருமை
அதுனாலெ அவர் புறிஞ்சுப்பார் ,என்றாள்
அடடா என்னே தமிழின் பெருமை
தமிழும் ஆலமரமும் இணைந்தே வளர்ந்தவை அல்லவா
தமிழும் தழைக்கும் ஆலமரமும் தழைக்கும்
ஆலம் விழுதுகள் போல் உறவு ஆயிரம் வந்துமென்ன
வேரென நீயிருந்தாய் அதில் நான் வீழ்ந்து விடாதிருந்தேன்
என்னும் பாடல் காதில் ஒலிக்கிறது
ஆல மரத்தின் சிறப்பே அதன் விழுதுகள்
பெருகி மீண்டும் தரை தொட்டு வேரோடி
மீண்டும் தழைத்து .... ஆஹா எவ்வளவு உயரம் சென்றாலும் நம்முடைய அடிப்படை பாரம்பரியத்தை நாகரீகத்தை
விடாமல் அதை அடிப்படையாக வைத்து மேலும் தழைக்க வேண்டும் என்னும் தத்துவத்தை எவ்வளவு எளிதாக ஆலமரங்கள் நமக்கு சுட்டிக் காட்டி நம் அறிவைத்
தழைக்க வைக்கின்றன...?
இறைவனின் படைப்புகள் அதிசியமே...!!!!!!!

அருகு போல் வேரோடி என்பதை ஆராய்ந்தால்
அருகம் புல்லின் சாறு இதயத்தை பலப்படுத்தும்
என்று பெரியவர்கள் சொல்லுவர்
நம் இதயத்தின் அடி ஆழம் வரை சென்று
நம் இதயத்தையே பலப்படுத்தும் அருகு நிச்சயமாய்
நம் வாழ்விலும் ஒரு பெரிய தத்துவத்தை உணர்த்துகிறது
அருகம் புல்லை கொஞ்ஜம் சேகரித்துப் பாருங்கள்
அது வெகுநாட்கள் கெடாமல் இருக்கும்
அது மட்டுமல்ல அந்த அருகம் புல்லை நாம் சேகரிக்க
அதை கையினால் பறிக்கும் போது அருகம் புல்லின் தழைகள்
மட்டுமே நம் கைக்கு வரும் வேரோடு வராது
ஏனென்றால் அருகம் புல்லின் வேர் அடி ஆழம் வரையில்
நன்றாக வேரூன்றி இருக்கும் ,
அது போல நம் வாழ்வில் ஆயிரம் நிகழ்வுகள்
நம்மை அசைத்துப் பார்த்தாலும். பெயர்தெடுத்து
அழிக்க நினைத்தாலும் நம்முடைய
நல்ல பாரம்பரியங்களை முழுமையாக புறிந்து கொண்டு
நல்லவற்றைக் கடைப்பிடிப்போம்,, தீயவை செய்யோம்
என்னும் நல்ல சபதங்களில்,குறிக்கொள்களில்
நாம் ஆழமாக வேரோடி நிலைத்து நின்றால்
நிச்சயமாக நன்மையே தவிற, தீமை இல்லை
இதயம் வலுவானதாக மாறும் இதைத்தான்
நம் பெரியோர்கள் திட சித்தம் என்று சொல்லுகிறார்கள்
இதைத்தான் அருகு போல் வேரோடி என்கிறார்கள்

அடுத்து
மூங்கில் போல் சூழ்ந்து முடிவில்லாமல் வாழ்ந்திருப்போம்
என்று சொல்லுகிறார்கள்

ஆஹா மூங்கில் போல் சூழ்ந்து
எவ்வளவு அருமையான வார்த்தை
கொஞ்சம் மூங்கில் காடுகளை மனதில்
நினைத்துப் பாருங்கள்
எப்படி அருகருகே இணையாக, பரவரலாக
கூட்டமாக, இணைந்து, அணைத்து வளர்ந்து
ஒன்றிற்கொன்று பலமாய் ,உறவுக்கு பாலமாய்
ஒற்றுமையாய் சூழ்ந்திருக்கின்றன
அது போல நாமும் இனம் ஜாதி மதம் போன்ற
எந்த பேதமும் இல்லாமல் இணைந்து அணைத்துக் கொண்டு
சூழ்ந்து நம் பலத்தை வளத்தை பெருக்கிக் கொள்வோம்
கூடி வாழ்ந்தால் கோடி நன்மை என்று பெரியவர்கள் கூறியது போல வாழ ஆரம்பித்தால் நம்முடைய நன்மைகளுக்கு
அதுவே பெரும் பக்க பலமாக அமைந்து நம்முடைய
ஆரோக்கியமான சிந்தனைகளுக்கும் , ஆரோக்கியமான
வளமான வாழ்வுக்கும் எந்த ஒரு முடிவுமில்லாது

தாழம் பூவும் மடல் விரியும் மின்னல் வரும் வேளைதனில்
மூங்கிலும் முளை விடும் மின்னல் வரும் வேளை தனில்
இயற்கையின் ரகசியங்கள் நம்மை முகிழ்க்கவைக்கின்றன
நம் மனதை விகசிக்க வைக்கின்றன
மரம் வளர்வதை பார்க்கமுடியும்
கேட்க முடியுமா.....?

முடியும் என்பர் அனுபவஸ்தர்

மூங்கில் ஒவ்வொரு முளை விடும் போதும்
ஒரு சத்தம் கொடுக்கும் என்று சொல்கிறார்கள்
அதே போல
தென்னம் பாளையில் பூக்கள் மலரும் போது ஒரு சத்தம் கொடுக்கும் என்றும் அனுபவஸ்தர்கள் சொல்லுகிறார்கள்
ஆகவே பெரியவர்கள் சொல்வதையும் கேட்போம்
மரங்கள் வளருவதை பார்ப்போம், , மரம் வளருவதையும் கேட்போம் இயற்கையோடு இசைந்து வாழ்வோம்
ஆமாம் மூங்கில் குருத்துகள் வரும்போது கேட்கும் சத்தம் மத்தளமாகவும், மூங்கில் துளைகளின் வழியே பயணப்படும் காற்று ஊதும் குழலாக மாறி அளிக்கும் ஊதுகுழலின் நாதத்தையும் ரசித்து இசை பட வாழ்வோம்



ஆல் போல் தழைத்து அருகு போல் வேரோடி
மூங்கில் போல் முடிவில்லாது வாழ்வோம்


அன்புடன்
தமிழ்த்தேனி

பழமொழிகள் ஆய்வு எண் 2

பழமொழி : 2 "
நடந்தால் நாடெங்கும் உறவு படுத்தால் பாயும் பகை "
இந்தப் பழ மொழியை ஆராய முற்படும்போதே
நினைவுக்கு வருபவர்கள் உயர் திரு மஹாத்மா காந்தி,
உயர் திரு வினோபா பாவே ஜெயப்ரகாஷ் நாராயணன்
"நேற்று நடந்ததும் இன்று நடப்பதும்
நாளை நடக்கப் போவதும் அனைத்தும் நன்மைக்கே
"என்று தினமும் நடப்போர் சங்கம் ஒன்றிற்கு
தட்டி வாசகமாய் நான் எழுதிக் கொடுத்ததும் நினைவுக்கு வருகிறது....!
எல்லாம் நடக்கவேண்டும் ...நல்லது எல்லாம் நடக்க வேண்டும்
என்றுநம் மனது அடிக்கடி நினைக்கிறது
நடக்கும்....நிச்சயம் நடக்கும் நம்பிக்கைதானே வாழ்க்கை
எதாக நினைக்கிறோமோ அதாக ஆகிறோம்
என்பது பெரியோர் வாக்கு
நடந்தால் நாடெங்கும் உறவு..உண்மைதான்
நடந்தே நாடெங்கும் உறவை ஏற்படுத்திக் கொண்ட
பல பெரியோர்களின் அனுபவ பூர்வமான உண்மை வாசகம்
நல்லவிதமாக நடந்து ,தாய்நாட்டுப் பாசத்துடன் ,
மக்களின்மேல் நேசத்துடன்,சத்திய வழியில்.
அஹிம்சாவழியில் நடந்தே நம் தேசத்துக்கு
விடுதலை வாங்கிக் கொடுக்க காரணமாய் இருந்தவர்கள்
மஹாத்மா காந்தி அவர்கள்வினோபாபாவே அவர்கள்,
ஜெயப்ரகாஷ் நாராயணன் ஆகியோர்,
எல்லா மனிதர்களுக்கும் நம் உடலில் கொழுப்பு, சர்க்கரை,
போன்ற பொருட்கள் இருக்கின்றன ,
ஆனால் அவைகள் இருக்க வேண்டிய அளவுக்குமேல்குறைந்தாலோ,அதிகரித்தாலோ அதை
நோய் என்கின்றனர் மருத்துவர்கள்,
இருக்க வேண்டிய அளவுக்கு குறைந்தாலோ ,அதிகரித்தாலோ,
"அது அளவுக்கு மிஞ்சுதல் "என்று பொருள் கொள்ளலாம்"
அளவுக்கு மிஞ்சினால் அமுதமும் விஷம்"அல்லவோ
அப்படி அளவுக்கு மிஞ்சினால் உடனே வைத்தியர்கள்
நான் சொல்வதைக் கேட்டு நட என்கிறார்கள்,
அதாவது நடந்தாலே அனேக வியாதிகள்
குணமாகிவிடுகின்றன என்று பொருள் கொள்ளலாம்,
ஆகவே நடந்தால் நாடெங்கும் உறவு,
நாம் இருந்தால்தானே நடப்போம்,
நடந்தால்தானே இருப்போம்,....
உறவுகள் பெருக வேண்டுமானால் நடக்க வேண்டும்,
நல்லது நடக்கவேண்டும், நம்மால் அடுத்தவருக்கும் ,
அடுத்தவரால் நமக்கும்,நல்லது நடக்கவேண்டும்
நடந்தாய் வாழி காவேரிநாடெங்குமே செழிக்க நன்மையெல்லாம்கொழிக்கநடந்தாய் வாழி காவேரி
என்று வெங்கலக் குரலில் சீர்காழி கோவிந்தராஜன்
அவர்களின் பாடல் ஒலிக்கிறது
ஆறு பொங்கிப் ப்ரவாகமாய் ஓடுவதைக் கூட நடந்தாய் என்று வர்ணிக்கிறார்கள்,
நாரதருக்கு நாரதர் என்று ஏன் பெயர் தெரியுமா
நா ரதம் ,அதாவது வாகனம் இல்லாதவர் என்று பொருள் ,
அவரே நடந்துதானே பல கலகங்களை செய்து நன்மை செய்திருக்கிறார்,
ஆகவே பெரியோர் சொல் கேட்டு நடப்போம்,
கலகம் செய்ய வேண்டாம் ,நாம் கலகம் செய்தால் அது நன்மை விளைவிக்காது,
நல்லதைமட்டும் எடுத்துக் கொள்ளுவோம் நடப்போம்
"அதே போல் படுத்தால் பாயும் பகை,"
வயதான பின்னரும் படுத்தால்,
அதாவது நோயில் படுத்தால்பாயும் பகையாகும்,
பாய் எப்படி பகையாகிறது....?
நினைவில்லாமல் படுத்திருப்பவர்களுக்கு முதுகே புண்ணாகும்,
இதை படுக்கை காயங்கள் என்று மருத்துவத்திலே சொல்லுவார்கள்,
அதற்காக தண்ணீர் படுக்கை, காற்றுப் படுக்கை,
என்றெல்லாம் எத்துணையோ விஞ்ஜான வசதிகள் வந்து விட்டாலும் படுக்கையில் இருப்பவர்களுக்கு,மனோவியாதியே நாம் படுக்கையில் இருக்கிறோமே, என்னும் நினைவே வியாதிகளை அதிகரிக்கும்,
ஆகவே படுத்தால் பாயும் பகை,
இங்கு படுத்தால் என்பது சோம்பினால் ,என்றும் பொருள் கொள்ளலாம்,
நாம் கொஞ்ஜம் அசந்தால் நம்மைக் கவிழ்க்க,ஏராளமான சதி நடக்க ஆரம்பித்துவிடும், சதி நடப்பதை தடுக்க நாம் நடப்போம்,
அப்படி இருக்க படுக்கலாமா...?
தன்னுடைய மரணத்தை தக்ஷிணாயணத்திலிருந்து,
உத்திராயண காலம் வரையில் தள்ளிப்போட நினைத்து,
படுத்த பீஷ்மர் கூட தரையில் படுக்கவில்லை,
அருச்சுனன் வில்லைப் பயன்படுத்தி ஏற்படுத்திக் கொடுத்த
சரப் படுக்கையில் படுத்தார்,
ஏனென்றால் சரங்களின் உறுத்துதல் இருந்து கொண்டே ,
இருந்தால்தான் சோம்பாமல் இருக்க முடியும் என்று
அதையும் தவிற அவருடைய தீர்க்க தரிசனம் மரணத்தையே,
தள்ளிப் போட்டிருக்கிறது என்னும் மஹாபாரத செய்தி நம்மை வியக்கவைக்கிறது, அந்த சரப் படுக்கை மூலமாக
அக்யூ பன்ச்சர் என்னும் விக்ஞான முறையை அப்போதே
செயல் படுத்தி உள்ளனர் என்பது தெளிவாகிறது,
ஆகவே படுக்காதீர்கள் ,அப்படிப் படுக்க வேண்டுமானால்,
நம்மை எப்போதும் எச்சரிக்கையாக இருக்கப் பணிக்குமாறு
செய்யப்பட்ட படுக்கையில் படுக்கலாம்,
ஆகவே படுத்தால் பாயும் பகை,
ஆமாம் படுத்தாலே காத்திருக்கும்" பகை எல்லாம் பாயும் "
என்பதை எச்சரிக்கதான் பெரியவர்கள்
நடந்தால் நாடே உறவு படுத்தால் பாயும் பகை
என்று நம்மை எச்சரித்திருக்கிறார்களோ என்று தோன்றுகிறது ,
ஆனால் எனக்கு இக்கட்டுரையை எழுதும்போதே
தோன்றிய சந்தேகம் ஒன்று இருக்கிறது,
கருநாகப் பாய் விரித்து கடலின் மேல் படுத்திருக்கும்
திரு நாரணனும் அதனால்தான் அவ்வப்போது பல அவதாரங்கள்
எடுத்து நடக்க ஆரம்பித்தானோ என்று,……
ராமனை காட்டுக்கு அழைத்து சென்று நடக்கவிட்டார் விஸ்வாமித்திரர்,
கண்ணன் மஹாபாரதத்தில் தேரோட்டியாய்,
வரும் வரையில் சாந்திபினி ஆஸ்ரமத்தில் இருந்து கொண்டு
நடந்தே காட்டிற்குப் போய் விறகு சேகரித்தான்,
நடக்கும் நாலு கால் பிராணிகளாகவும் பல அவதாரங்கள்
எடுத்தானோ, என்று சந்தேகம் வருகிறது,
கஜேந்திரன் நாராயணனை படுக்க விடாமல்
ஆதிமூலமே என்றழைத்து படுக்கையிலிருந்து எழுப்பினான்,
ப்ரஹலாதன் கேட்கவே வேண்டாம்,
அவ்வபோது நாராயணனை எழுப்பிக் கொண்டே இருந்தான்,
கடைசியில் நாராயணனை நடக்கும்,நரசிம்மாவதாரமாகவே
மாற்றிவிட்டான் தன் பக்தியினால்,
மஹாபலியோ வாமனாவதாரமாய் நாராயணனை நடக்க விட்டான் ,
இப்படி பக்தர்கள் நாராயாணனை படுக்க விடாமல்
அழைத்துக் கொண்டே இருக்கின்றனரோ,
என்று சந்தேகம் வருகிறது
ஸ்ரீமன் நாராயணன் கொண்டிருப்பது
யோக நித்திரைஎன்று சொல்லுவார்கள்
யோக நித்திரை கொண்டிருக்கும் நாராயணனையே
எழுப்பிக்கொண்டே இருக்கிறார்களேஅப்படியானால்
.......போக நித்திரை கொள்ளலாமோ...கூடவே கூடாது
என்பதை இப்பழமொழி நன்கு உணர்த்துகிறது
அடடா பெரியவர்கள் தீர்க்கதரிசிகள்தான்
ஆராய முயலுவோம் நன்மையென்றால்
அதன் படி நடக்க முயலுவோம்
படுக்க வேண்டாம்.
அன்புடன்
தமிழ்த்தேனீ

பழமொழிகள் ஆய்வு எண் 1

" பழ மொழிகள் "
ஒரு ஆய்வு எண் : ஒன்று


முதல் பழமொழி :
1. மூத்தது மோழை இளையதுகாளை

இது அடிக்கடி பெரியவர்களால் உபயோகப்
படுத்தப் படும் பழமொழி,
மூத்தது மோழை இளையது காளை "
என்னும் சொல்வழக்கை எடுத்துக் கொண்டால்

வயல் வெளிகளில் ,பயிருக்கு வேண்டிய தண்ணீரை சேமித்துவைக்க,எல்லையைக் குறிக்க,
வரப்பு கட்டுவார்கள்,அந்த வரப்புகளுக்கு அடியில்
வழுவழுப்பான துவாரங்கள் இருக்கக் கூடும்,
அந்த துவாரங்களுக்கு "மோழை "என்று பெயர்,
பெரியவர்கள் வரப்பிலே பாய்ச்சும் தண்ணீர் நிற்காமல்
போகுமானால் ஏதோ ஒரு இடத்தில் "மோழை" இருக்கிறது
என்று சொல்லி அந்த மோழையைக் கண்டுபிடித்து
அடைக்கச் சொல்லுவார்கள்
அந்த மோழை எப்படி வழுவழுப்பாக இருந்து கொண்டு
தண்ணீரை தக்கவிடாமல் செய்கிறதோ அதுபோல
மூத்த குழந்தைகள்,மனதிடமில்லாமல், விவேகமில்லாமல்,
தைரியமாக நிமிர்ந்து நிற்காமல் ,நல்லதை மனதில் இருத்திக் கொள்ளாமல்இருக்கும் என்பது போன்ற
பொருள் வருமாறு இந்தப் ,,,,,பழமொழி அமைந்திருக்கிறது
என்று எண்ணுகிறேன்,

அதே போல் இளையது காளை என்பர்
காளை என்றாலே இளமை,வலிமை,வேகம்
எதிர்கொள்ளும் திறமை,எதையும் எதிர்க்கும்
மனப்பான்மை ,என்றெல்லாம் பொருள் வரும்
ஆகவே மூத்ததாக மோழையை அடைத்துவிட்டு
அடுத்ததாக காளையை பயன்படுத்தி ஏர் உழுதால்தான்
பலன் வரும் என்னும் பொருள்படவும் சொல்லி இருக்கலாம்




யோசித்து பார்த்தால் நடைமுறை வாழ்வில்
இந்தச் சொல் உண்மையோ என்று தோன்றுகிறது
பல இடங்களில் மூத்த குழந்தையைவிட
அடுத்த குழந்தை இன்னும் சற்று தூக்கலான,
புத்திசாலியாக,சூட்டிகையாக, துருதுருப்பாக இருக்கிறதோ
என்று தோன்றுகிறது,இதற்கு விஞ்ஜான ரீதியாக
ஏதேனும் விளக்கம் இருக்குமோ
என்று ஆராய்ந்தால்

மனிதனின் உடற்கூறு, மனக்கூறு
இரண்டையும் ஆராய வேண்டி இருக்கிறது
ஒவ்வொரு மனிதனும் நாகரீக கட்டுப்பாடு
காக்க வேண்டி,பருவ விழிப்பு ஏற்பட்டு பல
காலம் வரையில்,தன்னுடைய சுயகட்டுப்பாட்டைக் காக்கவேண்டிய ,அவசியத்திலிருப்பதால் தன்னுடைய
இயல்பான காமத்தை, மிக இயல்பான உடல் இச்சையை
கட்டுப் படுத்திக் கொண்டு வாழவேண்டிய சூழ்நிலையில்
இருக்கிறார்கள், அப்படி அடக்கி வைக்கப் பட்ட காமம்
உடல் இச்சை , அதைத் தணித்துக் கொள்ள
தனக்கென்று ஒரு துணை கிடைத்தவுடன்
முழு வேகத்துடன் செயல் பட ஆரம்பிக்கிறது,
கட்டவிழ்த்துவிட்ட காளை போல்.......
திருமணம் ஆன உடனே அன்பு பாசம், காதல்,
நேசம் , அனைத்தும் இருந்தும்.....
ஒவ்வொரு பெண்ணும் ஒவ்வொரு ஆணும்
அவற்றையெல்லாம் தாண்டி காமத்துக்கு முதலிடம்
தரவேண்டிய கட்டாயத்துக்கு உள்ளாக்கப் படுகின்றனர்
இது இயல்பு ,தவறென்று சொல்லவில்லை
இங்கே சற்று நிதானப்பட்டு யோசிக்க வேண்டியுள்ளது
அப்படி தம்பதிகள் இருவருமே உணர்ச்சி பூர்வமாக
செயல்படும்போது அங்கே காதல், பாசம், நேசம்,அன்பு
என்று எல்லாம் இருந்தாலும் அவைகள் பின்னுக்கு
தள்ளப்பட்டு காமம் மட்டுமே முதல் இடம் வகிக்கிறது
அப்படி காமம் மட்டுமே முதல் இடம் வகிக்கும்
அந்த சேர்க்கையில் மனித உடலின் உணர்வுகள்
நரம்புகள், ரத்தம், ஆண்மை ,பெண்மை
போன்ற பல கலவைகள் செயல் பட்டாலும்
உள்ள பூர்வமாக ,புத்தி பூர்வமாக அந்த சேர்க்கை
நடைபெற,சந்தர்ப்பம் மிகக் குறைவு என்பதே
என்னுடைய கணிப்பு
அதனால் அப்போது தோன்றும் கரு காமத்தின்
அடைப்படையில் விதைக்கப் பட்ட கரு ,
அப்படிப் பிறக்கும் முதல் குழந்தைகளுக்கு
உணர்ச்சி பூர்வமான முடிவுகள் எடுக்க இயலும்,
உணர்ச்சி பூர்வமாக எடுக்கும் முடிவுகள் சரியான
விளைவுகளைத் தருவதில்லை என்பது
பெரியோர்களின் அறிவாளிகளின் ஆராய்ச்சி
பூர்வமான முடிவு,ஆகவே
மூத்தது மோழை என்ற பழமொழி சரியானதாக
இருக்கலாம் என்றே எண்ணத்தோன்றுகிறது

அது மட்டுமல்ல

மனரீதியாக உடல் ரீதியாக ஒரு ஆணும் ஒரு பெண்ணும்
இயல்பாக எந்த ஒரு மனக்கிலேசமும் இல்லாமல்
இல்லறத்தை ஆரம்பித்து மனதால் கலந்து பிறகு
உடலாலும் கலக்க,எளிதான வழியாகவே
திருமணம் என்னும் அங்கீகாரமும்
பெரியவர்களாக ஒரு நல்ல நாளைத் தேர்ந்தெடுத்து
முதல் இரவு என்று அழகாக பெயர் சூட்டி
இந்த வைபவத்துக்கு ஏற்பாடு செய்து
தம்பதிகளை அனுமதிக்கிறார்கள்

அப்படி இல்லாமல் தாங்களாகவே சரியான
வழிகாட்டுதல் இல்லாமல் பருவ ஈர்ப்பை காதல்
என்று எண்ணி,காமத்தின் வலையில் விழுந்து
சூழ்நிலை அழுத்தத்தால்,காமத்தின் இயல்பான
வெறியினால் மட்டுமே இல்லற சுகத்தை அனுபவித்து
வேறு வழி இல்லாமல் திருமண பந்தத்தில்
மாட்டிக்கொள்பவர்களுக்கும்,
அல்லது திருமண பந்தம் ஏற்படாமல்
ஏமாற்றப் பட்டு அவல வாழ்வு வாழும் பெண்களுக்கும்
பிறக்கும் குழந்தைகள் உள்ளத்தாலோ,உடலாலோ
ஊனமான குழந்தைகளாக பிறக்கின்றன என்பது
அனுபவ பூர்வமான உண்மை

இரண்டாவதாக அதே தம்பதியர் ஒரு குழந்தை பெற்ற
நிலையில் ஏற்படும் அனுபவங்களை அடிப்படையாக
வைத்து அடுத்த குழந்தை பிறப்பை கொஞ்ஜம்
தள்ளிப் போடுக்கிறார்கள்
அங்கே அந்த தம்பதிகளின் காமம் சற்றே மட்டுப்பட்டு’
திட்டமிடுதல் உருவாகிறது,முதல் குழந்தைமேல்,
இல்லறத் துணையின் மேல் பாசம் , அன்பு
கருணை, எல்லாம் அதிகரிக்கிறது
எப்போது திட்டமிடுதல் உருவாகிறதோ
அங்கு விவேகம் தலையெடுக்கிறது.
பெண்மைக்கும்,ஆண்மைக்கும் வெற்றிபெற்றுவிட்டோம்
என்கிற தைரியம்வருகிறது,
அதற்குப் பிறகு அவர்கள் பெற்றுக் கொள்ளும் குழந்தை
மூத்த குழந்தையை விட அறிவாளியாகவோ,
விவேகமாகவோ,,தைரியமாகவோ இருக்க,
வாய்ப்புக்கள் அதிகமாகிறது
பல வீடுகளில் கவனித்திருக்கிறேன் மூத்த குழந்தைக்கு
அடுத்த குழந்தையின் சுட்டித்தனங்களால், அறிவு சார்ந்த
புத்திசாலித்தனமான விளையாட்டுக்களால், விவேகமான
செய்கைகளால் எல்லோரையும் கவரும் திறமை,
பெற்றிருப்பதைக் கண்டு வியந்திருக்கிறேன்

அபூர்வமாக பல மூத்த குழந்தைகளும் புத்திசாலியாக
இருப்பதுண்டு, அது விதிவிலக்கு என்றே படுகிறது..!
இயல்பாகவே வரப்பு மோழை இல்லாமல் சில சமையங்களில் அமைந்துவிடுதல் போல ,
ஆகவே பெரியோர் சொல் வேதம்
என்று வாழ்தலில் தவறில்லை,
பழமொழிகளை பெரியோர் வாக்காக மதிக்கலாம்,
அல்லது ஆராய்ச்சி செய்துதேர்ந்தெடுத்து...
பயன்பெறலாம்...!!!!!!!!!

அன்புடன்
தமிழ்த்தேனீ

பழமொழிகள் ஒரு ஆய்வு

பழமொழிகள் நம்மால் அடிக்கடி உபயோகப் படுத்தப் படுகிறது
ஆனால் பொருள் தெரிந்து உபயோகிக்கிறோமா,,,?
என்பது ஆராய வேண்டிய விஷயம்பழமொழிகள்
அனுபவத்தின் வெளிப்பாடாக கருவாகி வெளிப்பட்டு
முழுமை அடைகிறது ,
அப்படி முழுமை அடையும் போது
சற்றே திரிந்து வேறு பொருள் வருமாறும்
உருமாறுகிறது..அலசிப் பார்ப்போம்
எவ்வளவு அருமையான பழமொழிகள்
ஒவ்வொரு பெரியவர்களும் ஒரு அருமையான
பழமொழி சொல்லுகிறார்கள்,
அது சரி இப்போது காலம் இருக்கும் இருப்பில்
இந்தப் பெரியவர்கள் சொல்லுவதையெல்லாம்
யார் காது கொடுத்து கேட்கப் போகிறார்கள் ,
என்கிற எண்ணம் தலை தூக்கினாலும்
நல்லதை சொல்லுவோம், கேட்டால் கேட்கட்டும் ,
கேட்காவிட்டால் அது அவர்கள் இஷ்டம்,
என்று மனதைத் தேற்றிக் கொண்டு எழுதுகிறேன்
அது சரி பழமொழிகள் எப்படி ஏற்பட்டன
என்று ஆராய்ந்தால் எல்லாப் பழமொழிகளுமே
அனுபவத்தால் ஏற்பட்டன என்று ஒரு நல்ல
தீர்ப்பு கிடைக்கிறது,........
பழம் என்றாலே இனிப்பு ,சுவை, கனிவு,
முற்றிய நிலை,மீண்டும் பல மரங்களுக்கு விதைகள்
கொடுக்கப் போகும் காலச் சுழற்சி, ப்ரபஞ்ஜ வளர்ச்சி,
என்றெல்லாம்பொருள் வருகிறதுஅனுபவ முதிர்வே பழம் ,
பழமொழிஎன்றும் பொருள் கொள்ளலாம்
அப்படியானால் எல்லாப் பழ மொழிகளுமே
ஒன்று உண்மையானதாக பயனுள்ளதாக இருக்க வேண்டும்,
அல்லது பெரியவர்கள் உணர்ந்து சொன்ன பழமொழிகள் ,
சற்றே திரிந்து அர்த்தம் வேறாகி தவறான பொருள்
தருமாறு மாறுபட்டு இருக்க வேண்டும்
ஆகவே உண்மையாக எந்த பொருள் வருமாறு
பெரியவர்கள் கூறினர் என்பதை ஆராய்ந்தால்
மிகவும் நல்ல விஷயங்கள் கிடைக்கும்
என்று நம்புகிறேன்,அராய்ச்சியை தொடங்குவோம்
நம் சிற்றரிவுக்கு எட்டியபடி

அன்புடன்
தமிழ்த்தேனீ
rkc1947@gmail.com

web magesines article links

http://www.mazhalaigal.com/entertainment/audio/audio-001/mgla008_rkc.php
என்னுடைய தம்பியின் குழந்தை 7 வது படிக்கிறாள்
ஸ்ரீநிதி என்று பெயர் அவள் மிக நன்றாகப் பாடுகிறாள்
அதைக் கேளுங்கள்
அன்புடன்
தமிழ்த்தேனீ



Min tamil links :
--------------------------------------------------------
http://www.tamilheritage.org/blogcms/voth.php
தமிழ்த்தேனீ
http://www.mazhalaigal.com/entertainment/audio-001/mgla002_thaenii.phpகவிதைகள் + கமலம்மாள் பாடல்கள்
----------------------------------------------------------------------
http://www.tamilheritage.org/blogcms/voth.php?itemid=266
தமிழ்த்தேனீ கவிதைகள்
----------------------------------------------------------------------
http://www.tamilheritage.org/blogcms/voth.php?itemid=250http://tamil.sify.com/fullstory.php?id=14622397
மதில் மேல் பூனை சிறு கதை

http://www.mazhalaigal.com/tamil/articles/articles-001/0801rkc_winner.php

Subject: சாதனை மாலதி

http://www.mazhalaigal.com/entertainment/photo/photo-001/0802rkc_fancy.php

ஹரீஷ், ஹயக்ரீவ் மாறுவேடப் போட்டிtamilheritage.org/blogcms/voth.php?itemid=250
கமலம்மாள் பாடல்கள்
-------------------------------------------------------------

http://groups.google.com/group/minTamil/browse_thread/thread/9cad3cf71fc45e88
http://groups.google.com/group/minTamil/browse_thread/thread/b4c18fe70302e311
(லக்ஷ்மீ கல்யாண வைபோகமே )
http://groups.google.com/group/minTamil/browse_thread/thread/7867c851fab6f2cd
http://groups.google.com/group/minTamil/browse_thread/thread/704b218d99f84613
http://groups.google.com/group/minTamil/browse_thread/thread/9411df48d29a235c
http://groups.google.com/group/minTamil/browse_thread/thread/915530abfd21aef1
http://groups.google.com/group/minTamil/browse_thread/thread/ae0cf7614bf8f2b9
http://groups.google.com/group/minTamil/browse_thread/thread/b7e60c37d9334cdc
http://groups.google.com/group/minTamil/browse_thread/thread/348fca0db728c75e
http://groups.google.com/group/minTamil/browse_thread/thread/95e79d78684c332b
http://groups.google.com/group/minTamil/browse_thread/thread/538c3897a44a3d8b
http://groups.google.com/group/minTamil/browse_thread/thread/908f39f037396459
------------------------------------------------------------
மழலைகள் லின்க் :
(http://www.mazhalaigal.com/tamil/articles/articles-001/0801rkc_republic.php- குடியரசுப்பூக்கள் )
(http://www.mazhalaigal.com/tamil/articles/articles-001/0801rkc_food.php
உணவே மருந்து )
------------------------------------------------------------
( http://www.mazhalaigal.com/tamil/articles/articles-001/0801rkc_pongal.php
பொங்கல் நினைவுகள் )
-------------------------------------------------------------
( http://www.mazhalaigal.com/tamil/articles/articles-001/0716rkc_lessons.php
பாடங்கள்-சிறுவனும் குருவே )
------------------------------------------------------------
( http://www.mazhalaigal.com/tamil/poems/poems-001/0801rkc_auvai.php
பொதுக்கவி-அறிமுகக் கவிதை )
-------------------------------------------------------


( http://www.mazhalaigal.com/team/0716mglt_honeybee.php
என்னைப்பற்றி சுய அறிமுகம் )
-------------------------------------------------------
http://www.mazhalaigal.com/tamil/articles/articles-001/0716rkc_pongal.php
பொங்கல் நினைவுகள்
--------------------------------------------------------

ஆர்.கமலம்மாள் அவர்களின் தெய்வீகப்பாமாலை
-----------------------------------------------------------
annakannan@gmail.com: http://tamil.sify.com/audio/album/index.php
குருவருள் - தமிழ்த்தேனீ
--------------------------------------------------------------
http://www.mazhalaigal.com/religion/pilgrimage/pilgrimage-001/0715rkc_guruvarul.php
செல்லக் குழந்தைகளே - தேனீ மாமா
----------------------------------------------------------
http://www.mazhalaigal.com/tamil/articles/articles-001/0715rkc_uncle.php
அன்புக் குழந்தைகளே-தேனீமாமா
-----------------------------------------------------------------
( http://www.nilacharal.com/ocms/log/12310708.asp
நித்தம் நடையும் நடைப்பழக்கம் நட்பும் தயையும் பிறவிக் குணம்)
--------------------------------------------------------------
(http://www.nilacharal.com/stage/kavithai/kav168.html
அரசுத் தொட்டில்
-ஆர். க்ருஷ்ணமாச்சாரி)
--------------------------------------------------------------
http://www.nilacharal.com/ocms/log/authorlist.asp?authorid=Thamizh%20thenee
வான்வெளித்தேவதை--- கவிதை
-------------------------------------------------------------------------------------------------------

http://www.mazhalaigal.com/tamil/articles/articles-001/0716rkc_food.php
உணவே மருந்து-கட்டுரை-தமிழ்த்தேனீ
--------------------------------------------------------------
http://www.mazhalaigal.com/tamil/articles/articles-001/0716rkc_lessons.php
பாடங்கள்-கட்டுரை -தமிழ்த்தேனீ
-----------------------------------------------------------
http://www.mazhalaigal.com/tamil/poems/poems-001/0716rkc_auvai.php
பொதுக்கவி- கவிதை-தமிழ்த்தேனீ
------------------------------------------------------------
http://groups.google.com/group/mazalais/browse_thread/thread/47172398f4bfd31d
வேள்வி – கவிதை -தமிழ்த்தேனீ

http://www.mazhalaigal.com/team/0716mglt_honeybee.php
அறிமுகம் தமிழ்த் தேனீ

http://www.mazhalaigal.com/tamil/articles/articles-001/0716rkc_pongal.php
பொங்கல் நினைவுகள் தமிழ்த் தேனீ

http://www.mazhalaigal.com/tamil/articles/articles-001/0716rkc_food.php
உணவே மருந்து தமிழ்த் தேனீ

http://www.mazhalaigal.com/tamil/articles/articles-001/0801rkc_winner.php

சாதனைப் பெண்மணி மாலதி
------------------------------------------------------------------------------------------------------------
http://tamil.sify.com/republicday/?rand=329961779
-(குடியரசு தின லின்க்)

http://tamil.sify.com/republicday/
மாம்பழத்து வண்டு


http://tamil.sify.com/art/fullstory.php?id=14595061
செவ்வாய்ப் பெண்
--------------------------------------------------------------




--------------------------------------------------------------
http://tamil.sify.com/art/fullstory.php?id=14600268
சுற்றுச் சூழல்

------------------------------------------------------------
http://tamil.sify.com/fullstory.php?id=14573705
2007 ன் சிறந்த ஏமாளிகள்

http://tamil.sify.com/art/fullstory.php?id=14603480-காதல் கவிதைகள் பிப்ரவரி 14 -2008---1.அவளுக்கு பிடிக்குமோ,2. பார்த்த பார்வை-3.பத்தியம்,காதலென்பது காவியமா-4.ஒரு கூறையின் கீழ்
5.காமம் களவியல்.
http://tamil.sify.com/art/fullstory.php?id=14692511&page=2
கடவுள் பக்தியா சுயகட்டுப்பாடா...மனிதனை செம்மைப் படுத்தவல்லது எது....?

http://www.mazhalaigal.com/tamil/articles/articles-001/0801rkc_winner.php
Subject: சாதனை மாலதி-தமிழ்த்தேனியின் சகோதரி

http://www.mazhalaigal.com/tamil/articles/articles-001/0803rkc_uncle.php

பருத்தி ஆடையும் மஹாத்மா காந்தியும்

யூனிகோட் இணையக் கவிதைகள்

1. " கவிதை உறவு "

உடன்பாடு இல்லாமல் திணிப்பது
என் உணர்வுக்கு ஒத்து வராது
தினந்தோறும் அனுபவிக்கும் எல்லாமே
தினமும் ஒரு கவிதை தானே
தினம் ஒரு கவிதை படைக்கும்
நிர்பந்தம் எனக்கில்லை .... வலுக்கட்டாயமாக
என் மனத்தினுள்ளும் எதையும்
நான் திணிப்பதும் இல்லை, மற்றவரை
அனுமதிப்பதும் இல்லை வலுக்கட்டாயத்
திணிப்பில் எனக்கு சம்மதமும் இல்லை
கற்பனை சிறகடித்தாலும் கவிதையில்
வார்த்தைகளை திணிப்பதில்ல நான்
ஒரு கவிதை அனுபவித்துப் படிக்கிறேன்,
ஆஹா அருமையான கவிதை
படைத்தவரைப் பாராட்ட மனம் துடிக்கிறது...
ஆமாம் நானும் ஏன் கவிதை எழுதக் கூடாது....?

தமிழ்த்தேனீ

2 ." நிழல் துரத்தும் நிஜங்கள் “
பூக்கடையில் கால் வைத்தேன்
சாக்கடை வாசம்
சாக்கடை ஓரம் பூக்கடை உபயத்தால்
சாக்கடை மீறிய பூக்கடை வாசம்
சுயநலம் ஒரு நாறும் மலம்
நாற்றமென்றால் மணம்
மணம் என்றால் நாற்றமாம் ?
நல் நாற்றமா..? துர் நாற்றமா..?
நாரோடு கூடிய பூக்களும் மாலையாகும்,
இறையின் தோளுக்கு சேலையாகும்
பொதுநலத்தோடு கூடினால்
மனிதற்க்கு விடிவுகாலம்


ஒவ்வொரு ஜனனமும் மலம் தானே
தன் மலத்தை தானே அள்ளும்- த்யாகம்
என்றால் அது தாய்மை ஒன்றுதானே
தன்னலமில்லாத தாய்மைக்கு மட்டும்
தானது கிட்டுமென்றால் நாமும்
ஏன் விடக்கூடாது தன்னலத்தை…?

மலம் உண்ணும் பன்றியதை.
குளிர்சாதன அறையில் வைத்து
பக்குவமாய் பரிந்தூட்டி
கொழுக்க வைத்து தாமுண்ணும்
சாகசங்கள் புறிகின்ற மானுடரே

நமக்காய் வேண்டுமென்றால்
வராக அவதாரமென்போம்
தானெடுத்த வாந்தியை தானே உண்ணுகின்ற
நாயினையும் பைரவர் என்போம்
பரிமேலமர்ந்து பயணிக்கும் மனிதர்
பக்தி வந்தால் ஹயக்ரீவரென்பார்
வளைஎலி, கடும் புலி,கொடுஞ் சிங்கம்,
அத்தனையும் கடவுள்களின் வாகனமென்போம்
கடலிலே வாழுகின்ற கொழுத்த
கொழுமீன் கொடு மீனை நாமுண்போம்
வலை போட்டு வளைத்தெடுத்து
வற்றவைத்து பொறிய வைத்து
வகை வகையாய் நாமுண்போம்
மச்சாவதாரமும் அது தானென்போம்,
மனிதரையே குரங்குகளின்
மாறு கால வளர்ச்சியென்போம்
பால் கொடுக்கும் பசுவினையும்
கொடுக்கும் வரை லக்ஷ்மியென்போம்
குலம் காக்க வந்த கோமாதா
குலமாதா வென்போம் பால்மடி
வற்றிப் போனால் அடிமாடென்போம்

நடப்பன ,ஊர்வன ,பறப்பன
அத்தனையும் நாமுண்போம்
நம்பிக்கை எனும் விதையை
நயமாய் நாம் தூவி நாடகமாய்
தெய்வமென்போம், வாகனமென்போம்

இனி இல்லை உபயோகம் என்றுணர்ந்தால்
அன்னையென்ன ,தந்தையென்ன,அண்ணனென்ன
தம்பியென்ன, மனைவியென்ன,கணவனென்ன
மக்களென்ன ,பாசமென்ன ,நேசமென்ன
அன்பு என்ன பண்பு என்ன
அத்தனையும் பட்டுப் போகும்
அடிமாடாய் ஆகிப் போகும்

தமிழ்த்தேனீ

3. " உரிமை "

பகலில் ஒரு நிலவு இரவில் ஒரு சூரியன்
இரண்டும் இணைந்தாற்போல்ஒரு
ப்ரகாசமான பேரழகுஅழகு கண்டு
மோகித்துஅருகில் வரலாமென்ரால்
சுடுகிறாய் சூரியனைப் போல
சுடுகிறதே என்று விலகினால்
குளிர் நிலவாய் அழைக்கிறாய்
புரிந்து கொள்ள முடியவில்லை
என்னால்அன்பிலே நிலவு ,
உரிமையில்லாமல் உறவாட நினைத்தால்
சூரியன்என்று ஒரு பதில் வேறு
சொல்கிறாய்ஏதோ புறிவது போல்
இருக்கிறதுஎன்ன செய்வது ஆமாம்
சாத்திரத்தில் நிலவும் சூரியனும்
இணைந்தால்அமாவாசை என்கிறார்களே
நிலவில்லா வானம் என்கிறார்களே
நீ யாரென்று சொல்ல மாட்டாயா
உன்னிடம் உரிமை எப்படி பெருவது..?
ரகசியம் சொல்லித் தர மாட்டாயா
ஏக்கத்துடன் நான்.............

4. " இயற்கை "

ஒன்பது வழிகள் வைத்தான்
உடல்விட்டு உயிர் போக‌

ஒரு வழியும் வைக்கவில்லை
உயிர் வந்து உடல் சேர‌

இறைவனிடம் நான் கேட்டேன்
இது என்ன ஓர வஞ்ஞனை ?

அவனளித்தான் பல பதில்கள்
அத்தனையும் புரியவில்லை

ஆனாலும் ஒரு பதில்
ஓரளவு புரிந்ததெனக்கு

ரகசியமாய் முணுமுணுத்தான்
என் காதில் மட்டுமதை

இயற்கையின் சாகசமே
அதிலிடங்கும் அதிசயமே
இயற்கையை வெற்றி கொள்ள
என்னாலும் முடியவில்லை
இயற்கைதான் கடவுள் ,
நான் கூட அதன் பிடியில்
தவிக்கிறேன் மீளாமல்
சொன்னால் நம்ப மாட்டாய்
ஒரே ஒரு முறை விதைத்தேன்
ப்ரபஞ்ஜம் வளர்ந்த்தது

பல முறை அழித்துப் பார்த்தேன்
உஹூம் ஒன்றுமே பலனில்லை
இனி இப் ப்ரபஞ்ஜம் நானே
நினைத்தாலும் அழிக்க முடியாது ,
இயற்கையை வெல்ல என்னாலும்
முடியவில்லை !!!!!!!
நீ கேட்ட கேள்விக்கு விடை
தெரியுமா உனக்கு ?
கேள்விகள் கேட்பது சுலபம்
உயிர் வந்து உடல் சேர ,
இயற்கையை வெற்றி கொள்ள‌
வழி எதேனும் இருக்கிறதா ?
என்னைக் கேட்டான் இறைவன்
என்ன ப‌தில் நான் சொல்ல‌ ?

உங்க‌ளுக்கு தெரிந்தால்
ரகசியமாய் என்னிட‌ம்
சொல்லுங்க‌ள்
அவனிடம் சொல்லுகிறேன் நான் .. .. ...!!!!!!!!

தமிழ்த்தேனீ

5. " வாய்மை "
த‌ண்ணீரில் நீந்தும் மீனின் க‌ண்ணீரும் தெரியாது
வென்னீரில் வேகும் போதும் வ‌லிக‌ளும் புரியாது
சிறு மீனின் துய‌ர‌ங்க‌ள் பெரு மீனும் அறியாது
இற‌ந்தாலும் அவை த‌ன்னைத் தானுண்ண‌த் த‌ய‌ங்காது

இய‌ற்கைதான் ஆனாலும் பெருமீனும் ஒரு நாளில்
வ‌லை மாட்டித் த‌வித்தாடும் நாமுண்ணும் உண‌வாகும்
பன்னீரில் குளித்தாலும், க‌ங்கையில் குளித்தாலும்
செய்கின்ற‌ த்ரோக‌த்தின் பாவ‌ங்க‌ள் தொலையாது

என்னென்ன‌ ப‌ரிகார‌ம் எத்த‌னைதான் செய்தாலும்
எங்கேதான் போனாலும் ஊள்ள‌த்தை விட்டு விட்டு
நினைவுக‌ள் போகாது, உயிரேதான் போனாலும்
த‌ப்பிக்க‌ முடியாது உட‌ல் விட்டுச் சென்றாலும்

உள்ள‌த்தை விட்டுச் செல்ல‌ உன்னாலும் முடியாது
பாவ‌ங்க‌ள் தொலையாம‌ல் ஆன்மாவும் அழியாது
வைக்கின்ற‌ ஒவ்வொரு அடியும் யோசித்து வையுங்க‌ள்
வ‌ருகின்ற‌ ப‌ல‌னெல்லாம் அடி தொட்டுத் தான் வ‌ருமே

ப‌ல‌னெல்லாம் ப‌ட்ட‌ பின்தான் ப‌ரிகார‌ம் தான் வ‌ருமே
த‌ப்பிக்க‌ முடியாது தள்ள‌வும் வ‌ழியேது
இத்துணைப் பேர்க‌ளையும் காக்கின்ற‌ ஒரு க‌ட‌வுள்
யோசித்து யோசித்து வழி ஒன்று கண்டிட்டான்

தன் வேலைச் சுமை தாங்க முடியாமல் ‍
‍தானாக இயங்கும் பொறி ஒன்று படைத்திட்டான்
அத்தனை உயிர்களுக்கும் அவரறியாம்ல் அவர் உடலில்
தானியங்கிக் கருவியதை தவராமல் பொருத்திட்டான்


இட்டார்க்கு இட்டபடி தப்பாக வைத்த அடி
தவரான தப்படிகள் தவராமல் கெடு பலன் தருமே
நாடாளும் மன்னர்களும் நடைபாதை வாசிகளும்
அவ‌ன் வரையில் ச‌ம‌ம் தானே அவ‌ன் ப‌டைத்த‌ உயிர்தானே

ஆயிர‌ம் தான் இருந்தாலும் த‌ர்ம‌ வ‌ழி அக‌லாமல் ந‌ட‌ந்திடுவோம்
கால‌ங்க‌ள் மாறிவிடும் ,காட்சிக‌ள் மாறிவிடும் மாறாது என்றென்றும்
த‌ர்ம‌த்தின் வ‌ழிதானே,நாம் க‌ர்வ‌ங்க‌ள் கொண்டாலும்
க‌டைசியிலேவெல்வ‌து வாய்மையின் வ‌ழிதானே

தமிழ்த்தேனீ
6. " ஏன் இப்படி "

திருமணம் ஆன புதிது, இணை பிரியாத மனது
உன் பெயர் சொல்லி என் அம்மா அழைத்தவுடன்
ஒன்றுமே நடவாதது போல்அனைத்தையும்
சரி செய்து கொண்டுகுரலில் ஒரு எளிமையை
வரவழைத்துக் கொண்டு இதோ வந்துவிட்டேன்
அம்மா என்று வெகு இயல்பாக அம்மாவிடம்
சென்று ,கூப்பிடீர்களா அம்மா ? .......சரியான கள்ளி நீ
எத்தனை முக்கியமாய் இருந்தாலும்
ஒன்றுமில்லை நீ அவனைக் கவனி
என்று உன்னை மீண்டும் அறைக்கு
அனுப்பிவிட்டுமுகத்தில் புன்னகையோடு
தன் காரியத்தை தொடர்வாள் என் அம்மா,
நம் வயதைத் தாண்டித்தானே வந்திருக்கிறாள்
நம் அம்மாவும், அவளுக்குத் தெரியாததா..?
அம்மா எத்தனை அனுபசாலி,
அன்பான அம்மாகொடுத்து வைத்தவர்கள்
நாம் என்று நீ விமர்சிக்கும் போது கூட
அதைவிட முக்கியமாய் உன் அருகாமை
என்னை மூழ்கடித்தது மோகம்
திருமணம் ஆன புதிது
இணை பிரியாத மனது
மருமகளாய் நினைக்காமல் தன் மகளாய்
அம்மா உன்னை நடத்துகையில்
நானே அம்மாவுக்குஅன்னியப் பட்டுப் போனேன்,
சில நேரங்களில்என்னையே பொறாமைப் பட
வைத்தது உங்கள் அன்னியோன்னியம்
கண்களில் காதலைத் தேக்கி சீக்கிரம்
வந்துவிடுங்கள் என்கிற அழைப்பையும்
அதில்தேக்கி புன்சிரிப்போடு நீ கை அசைக்கையில்
பணிக்கு செல்லக் கூட மனம் வருவது இல்லை
மனமில்லாமல் பணிக்குச் சென்றாலும்
அத்தனை பக்கங்களிலும் உன் முகம்
எப்படி வேலை செய்வேன் நான்
அறை நாள் விடுப்பு எடுத்துக் கொண்டு
அம்மாவிடம் என்ன காரணம் சொல்லுவது
என்று யோசித்துக் கொண்டே வீடு வந்தவுடன் ,
என்னடா கண்ணா தலை வலியா என்று
அம்மா கேட்டவுடன்--,ஆ...ஆமாம் தலை வலி
என்று சமாளித்தேன், நமட்டுச் சிரிப்புடன் நீ!!!
ஒருநாள் கூட விடுப்பு எடுக்காமல்
பரிசு வாங்கிய நான்,உள்ளுக்குளே மனசாட்சி உறுத்தல்,
திருமணம் ஆன புதிது, இணை பிரியாத மனது
நாட்டு மருந்துக் கடையில் வாங்கி வைத்திருந்த
சுக்கை எடுத்து கல்லில் உரசிபத்து போட்டாள் அம்மா,
ஒரு நல்ல காபி கொடுத்தனுப்பினாள்
உன்னிடம் என்னையே பார்த்துக் கொண்டிருந்த
அம்மா கண்ணா அவளயும் அழைத்துக்
கொண்டு எங்காவது வெளியே போய்விட்டு வா
எல்லாம் சரியாகி விடும் கவனமாகப் போய்விட்டு
வாருங்கள்என்று அம்மா சொன்னவுடன்
சரிம்மா என்று அப்பாவியாய் முகம் காட்டி
இருவரும் புறப்பட்டோம் வெளியே
திருமணம் ஆன புதிது, இணை பிரியாத மனது
அம்மா எத்தனை அனுபசாலி,
அன்பான அம்மாகொடுத்து வைத்தவர்கள் நாம்
என்று நீ விமர்சிக்கும் போது
கூட அதைவிட முக்கியமாய் உன் அருகாமை
என்னை மூழ்கடித்தது மோகத்தில்
திருமணம் ஆன புதிது இணை பிரியாத மனது
சிலு சிலுவென்ற காத்து மீண்டும் மீண்டும்
வந்து போகும் கடலலைகடலை விற்பவன்
தொந்தரவு இத்தனையும் நம்மை எதுவுமே
செய்ய முடியாமல் கனவுலகில் நாம்
வாசலில் ஒரு அழைப்பு மணீ
ஒரு நல்ல தூக்கம் கலைந்த எரிச்சலில்
யாரது என்று கேட்டுக் கொண்டேவாசற்கதவைத்
திறந்தேன்என் பேரு கல்யாணம்
இவ என் பொண்ணுநேத்து கோயிலில்
எங்களை பார்த்து அம்மா இன்னிக்கு
வரச்சொன்னாங்க என்றார் உன் அப்பா
கண்ணா அவங்களை வலது காலெடுத்துவைத்து
உள்ளே வரச் சொல்லு என்றாள்என் அம்மா...!!!!
உனக்குத் தெரியுமா !!!!!அம்மாவுக்கும் தெரியுமா ,!!!!
என் கனவுக் கன்னி நீதானென்று!!!!.?
நம் வயதைத் தாண்டித்தானே வந்திருக்கிறாள்
என் அம்மாவும், அவளுக்குத் தெரியாததா..?
தமிழ்த்தேனீ
7. " நிழலின் வெளிச்சம் '
ஒரு பெரிய நிறுவனம் பெரிய மூலதனம்
முதலாய்ப் போட்டு திரைப்படமெடுக்க
திட்டமிட்டு என்னை அழைத்து
ஒப்பந்தம் செய்தது ஒரு நடிகராகப்
பங்கு கொள்ள- நானும் இசைந்தேன்
நடித்துக் கொடுக்க ,என் தொழிலல்லவா அது
ஒப்பனையாளர் என்னை உரு மாற்றினார்
ஆடைகள் கொடுப்பவர் மேலும் பொருத்தினார்
என்னை அந்தப் பாத்திரத்துக்கு ஏற்றவனாக
உணவு உபசரிப்பாளர்கள் ஆதரவாய்
உணவு கொடுத்தனர்
உதவி இயக்குனர் என் பாத்திரத் தன்மையை
மேலும் கூட்டினார் எளிதாக பொறுமையுடன்
இயக்குனர் சொன்ன இடத்தில் நின்றேன்
சொல்லிக் கொடுத்தபடி பேசி, நடித்தேன்
தளப் பொறுப்பாளர் காட்சி ஜோடனைக்
கற்பனைத் தூரிகை கைவண்ணம் காட்டினார்
புகைப் பட நிபுணர் என்னை மேலும்
திறமை சாலியாக காண்பித்தார்
எழுத்தாளர் என் கதா பாத்திரத்துக்கு
ஏற்ற வசனங்களை இயல்பாக எழுதினார்
ஒரு பெருங் கவிஞ்ஞர் பாடலெழுதினார்
பல குரல் வளம் பாடியது ,நான் வாயசைத்தேன்
பல பொறியாளர்கள் பாடு பட்டனர்
திரைப் படம் வெற்றி பெற

அடடா என்னை சுற்றி எத்தனை பேர்
முத்தான வியர்வை கொட்ட உழைக்கிறார்கள்
அவர்கள் வெளியே தெரிவதே இல்லை
அத்தனை பேரும்-புகைப் படக் கருவிக்குப்
பின்னால்என் வெளிச்சத்தின் பின்னே
இத்தனைஇருட்டுக்களா, த்யாகங்களா
நான் மட்டும் மக்கள் மனதில்,விளம்பர
தட்டிகளில்,பத்திரிகைகளில்
தொலைக் காட்சிகளில் ,மக்கள் மனதில் ,
வீடுகளில் , அனுமதி இல்லாமல் நுழைந்த
வலுக் கட்டாய சூரியன் நான்
ப்ரகாசிக்காத எத்தனயோ நக்ஷத்திரங்கள்
என் பின்னால்,தங்கள் த்யாகங்கள் புரியாமல்
என் ப்ரகாசத்தின் பின்னே இத்தனைஇருட்டுக்களா ?

தமிழ்த்தேனீ

8. "வான வேடிக்கை "

தேவ லோகத்திலிருந்து தேவர்கள்
வேடிக்கை பார்க்க பூலோகம் வந்தனர்
பூமியிலே
பாலத்திலிருந்து ஒரு வாகனம்
ஆற்றில் விழுந்தது
கபடமறியா சிறுமியை ஏமாற்றி
கற்பழித்தனர் நால்வர்

குடிசைக‌ள் ப‌ற்றி எறிகின்ற‌ன‌,
வெள்ள‌த்தில் ப‌ல‌பேர் அடித்துச் செல்ல‌ப் ப‌ட்ட‌ன‌ர்
வித்தைக் கூடம் பணப் பற்றாக் குறையால்
மூடப் பட்டது
வேடிக்கை காட்டிப் பிழைக்கும் கோமாளி
பசியால் சுருண்டு கிடக்கிறான்
ஆளில்லா போக்குவரத்தில் அலட்சியத்தால்
பேருந்தும் புகை வண்டியும் மோதிக் கொண்டன‌

மக்கள் வேடிக்கை பார்த்தனர்
துவிச் சக்கர விசை வாக‌ன‌த்திலிருந்து
தூக்கி எறியப்பட்டான் ஒருவன்
முதலுதவி தேவை அவனுக்கு
செய்தால் பிழைத்துக் கொள்ளுவான்
குருதி ஆறாய்ப் பெருகியது
மக்கள் வேடிக்கை பார்த்தனர்

தேவ‌ர்க‌ள் ம‌ன‌ம் ப‌தைத்த‌ன‌ர்
தேவ‌ர்க‌ளில் ஒருவ‌ன் விப‌த்துக் குள்ளான‌வ‌னை
ம‌டியிலே கிட‌த்தி முத‌ல் உத‌வி செய்தான்
காவ‌ல் கார‌ர்க‌ள் வ‌ந்த‌ன‌ர் உத‌வி
செய்த‌தேவ‌னை காவ‌ல் நிலைய‌த்துக்கு
வ‌ந்து புகார் எழுதிக் கொடுத்துவிட்டுப்
போக‌ச் சொல்லி காவ‌ல் நிலைய‌த்துக்கு
அழைத்துப் போனார்க‌ள்
வெகு நேரமாகியும் புகார் கொடுக்கப் போன
தேவன் திரும்பி வரவில்லை
தேவ‌ர்க‌ள் தேடிப் பார்த்துவிட்டு
காணாம‌ல் ம‌ன‌ம் ப‌தைத்த‌ன‌ர்

காவ‌ல் நிலைய‌த்தில் புகார் ப‌திவு செய்த‌ன‌ர்
காவ‌ல் நிலைய‌த்துக்கு சென்ற‌அந்த‌
தேவ‌ன் இது வ‌ரை திரும்ப‌வில்ல‌யாம்
யாராவ‌து வேடிக்கை பார்க்கும் போது
அவ‌னைப் பார்த்தால்
விவ‌ர‌ம் சொல்ல‌வும்
த‌குந்த‌ச‌ன்மான‌ம் கிடைக்கும்
தேவ‌ர்க‌ள் காத்திருக்கிறார்க‌ள் ம‌க்க‌ள்
வேடிக்கை பார்த்துக் கொண்டிருக்கிறார்க‌ள்

அன்புடன்
தமிழ்த்தேனீ

9... " மீண்டும் சுதந்திரம் "
பழைய ஞாபகம் மனதிலே
பாரதத் தேசக் கொடி கையிலே
வீர முழக்கம் வாயிலே
விடுதலை வேட்கை நெஞ்ஜிலே
வாருங்கள் மறியல் செய்து
மனம் மகிழ்ந்திட வாருங்கள்
வந்தே மாதரம்,
வீசட்டும் விடுதலை காற்றின்
சுதந்திர வாசம்
வீழட்டும் அன்னியர் மோசம்
மலரட்டும் விடுதலை தேசம்

கதிரவனின் கதிர் இயக்கம் தாக்கும்
ஆனாலும் இந்தியனின் கதர் இயக்கம் வீசும்
வரண்ட நாக்கு, வரளாத தேசப் பற்று
சுதந்திர வேள்வி, சுதந்திரமே கேள்வி
ஒரு தாய்க்கு ஒரு பிள்ளை அவன் கூட
பொதுச் சொத்தாய் மாறிப் போனான்
பாரதத் தாயின் அடிமைத் தளை தெறிக்க

அன்னையை பாதிக்கும் அன்னியர் ஆதிக்கம்
தாய் திரு நாட்டின் பொறுமையை சோதிக்கும்
அத்தனை விலங்கினையும் அடியோடு
பெயர்த்தழிக்க உடல் ,பொருள் ,ஆவி
அத்தனையும் போனாலும் சரியென்று
பாச மழை பொழிந்து தேச விடுதலைக்கு
நேசசமாய் ,வீரமாய்,த்யாகமாய்
தம் மக்களை அனுப்பிவைத்த தாய்மார்கள்
இப்போதெங்கு போனார்கள்
தன்னுயிர் நீத்தும் தாய் நாடு
காப்பேன் சூளுரைத்த வாலிபர்கள்
இப்போதெங்கு போனார்கள்
தாய் நாட்டுக் காதல் அப்போது
எங்கே போனது இப்போது.. ?
அன்று அன்னியர்தாம் ஆண்டுவந்தார்
அடிமைகளாய் நாம் மாண்டு வந்தோம்
இன்று நம்மவரே நம்மை ஆளுகின்றார்
அடிமைகளாய் நாம் மாளுகிறோம்
சுதந்திரம் கிடைத்ததே இப்போது
பழைய ஞாபகமாய்

அப்போது மீண்டோம் அன்னியரிடமிருந்து
எப்போது மீள்வோம் நம்மவரிடமிருந்து
ஹூம்ம்ம்... பெற்றே ஆக வேண்டும்
மீண்டும் சுதந்திரம்



10. நல் விதை

புறம் பற்றி ஒரு நூறு கவிதை
அகம் பற்றி ஒரு நூறு கவிதை
எதைப் பற்றியும் எழுதவும் வேண்டும் ......விதை
தாருங்கள் ஒரு நல் விதை
ஏருழுது களையெடுத்து, தமிழ் நீர் பாய்ச்சி
நல்விதை ஒன்று மன வயலில் போட்டால்
கவிதை தானாய் வரும் ,கவிதை யது தேனாய்
வரும் ,துள்ளும் மானாய் வரும்
தமிழ்ப் பற்றினால் தமிழ்ப்பற்று
பற்றிக் கொள்ளும் தகைசார்ந்த
தமிழ்ப் பண்பு அது ,நம் மனது ,
பற்றியது மிகச் சரியாகப்
பற்றினால் விளையும் கொள்முதலே
அனைத்துக்கும் விதை , அதுவே தமிழ் விதை

உள்ளதையும் உள்ளத்தையும்
இல் அதையும், இல்லாததையும்
சொல் அதையும் சொல்லாததையும்
கற்றதையும் ,கல்லாததையும்
சொன்னதையும் சொல்லாததையும்
எழுத முனைந்திட்டால் ,தமிழை நினைந்திட்டால்
கவிதை புனைந்திட்டால் ,புறம் நான் நூறு ,
அகம் நான் நூறு அத்தனையும் சொன்னாலும்
புற நானூறுக்கும் அக நானூறுக்கும்..?
தமிழுக்கும் ஈடாகுமா வேறு .. .. ..?

அன்புடன்
தமிழ்த்தேனீ

11. அணைக்கட்டு
அணைக்கட்டு மூளை அணைக் கட்டில் முழுவதுமாய்
நிரம்பி வெளியேறத்துடி துடிக்கும் கருத்து மழை
வான வெளியினிலே வலம் வரும் பேரறிவு பெய்திட்ட
பெரு மழையால்மூளை அணைக்கட்டில் முழுவதுமாய்
நிரம்பி வெளியேறத் துடி துடிக்கும் கருத்து மழை
இன்னுமோர் சொட்டு வீழ்ந்தாலு... ம்உடைத்துக்
கொள்ளும் பக்க சுவர்வெடித்து சிதறும்
கனம் மிக்கபக்க சுவர் மடை திறக்க
வழியில்லைஏற்கெனவே பெய்த மழைவெள்ளம்
நிரம்பிய ஊர்வெளியேற்றியே ஆகவேண்டிய
அபாய நிலை அணைக் கட்டில்
தானமளிக்க தயார் நானென்றாலும் தாங்குதற்கு
தகுதியான தருமிகளை தானம் வாங்தற்கு தகுதியான
தமிழ் விரும்பிகளை தேடித் தேடி அலைகின்றேன்
சீக்கிரம் வாருங்கள் அணைக்கட்டு
அடி அளவு கோல் காட்டுதிந்த பயங்கரத்தை
...அபாய அறிவிப்பை
அன்புடன்
தமிழ்த்தேனீ

சிறு கவிதைகள்

சிறு கவிதை



1. மஹான்கள்




யேசு அவதரித்தார்
அல்லாஹ் தோன்றினார்
காந்தி பிறந்தார்
மஹான்கள் அவதரித்தனர்
அவர்களை துன்புறுத்தவே
தீவிரவாதமும்
தோன்றியது
ஆதலினால் தீவிரவாதத்தை
அழிக்கவேண்டித் தானோ
இப்பொதெல்லாம்
மஹான்கள் அவதரிப்பதே இல்லை








3






. தினம் ஒரு கவிதை

தினம் தினம் ஒரு ஆரம்பம்
தினம் தினம் ஒரு கவிதை
அனுபவம் எனும் பாடம்
இதை விடக் கவிதை யாரால்
எழுத முடியும்
இறைவன் எழுதும் கவிதை
இது ப்ரபஞ்சத்தின் ஆரம்ப விதை
முடிவில்லா ஆரம்பம்
முற்றுப் புள்ளி இல்லா தொடர் கவிதை
முடிவில்லா வானம் போல்
முயன்றாலும் தொடமுடியாத
வெட்டவெளி இதுதான் ப்ரபஞ்சம்
இறைவன் எழுதும் கவிதை














5. அவதாரம்

நீ பார்த்து வளர்ந்தவன் தானே
நான் பார்க்க வளருவேன் நானே
வான் பார்த்து வளருவேன் நானே
கம்சன் கதை முடிக்க வான் பார்த்து
உயர்ந்த சக்தியவள் சூள் முடிக்கத்தானே
நான் பார்க்க வளருவேன் நானே


கூன் பார்க்க ராமாவதாரம் அதுவும் நானே
மான் பார்த்து மயங்கிய மங்கை அவளால்
ஊண் பார்த்து மயங்கிய
தென் இலங்கை கோன் முடிக்க
பிறந்தவன் தானே அதனால்
நான் பார்க்க வளருவேன் நானே
வான் பார்த்து வளருவேன் நானே















6 தைரியம்


காவல்காரன் தூங்காமல் காவல் செய்யும்
முதலாளி நான்
அரசாங்கம் தவறும் நேர்மை அவ்வப்போது
சுட்டிக் காட்டும் குடிமகன் நான்
அதிகாரியின் தவறு அதட்டிக் கேட்கும்
தொழிலாளி நான்
பூசாரி தவறும் நியமங்கள்
உணர்த்துகின்ற பக்தன் நான்
ஞானிகளின் வர்ண பேதம்
உணர்த்துகின்ற அடியவன் நான்
மேதைகளின் சருக்கல்கள்
கண்டுபிடிக்கும் பேதை நான்
என்னைத் தட்டிக் கேட்க
மறந்துவிட்ட நான் !!!!













காலச் சக்கரம்
7
8


காலச்சக்கரம் சுழலும் வகையை
கண்டு பிடிக்க முடியுமா?
அதன் கோலம் வரையும்
கோடுகளைத்தான் அறிய நம்மால் முடியுமா
ஞாலச் சக்கரம் சுழலும் வகையை
கண்டு பிடிக்க முடியுமா?
வட்டச் சக்கரம் -இறைவன் விட்ட சக்கரம்
சக்கரத்தை சுழற்றிவிட முடியுமா
இறைவனையே கழற்றிவிட முடியுமா?
ஆரம்ப புள்ளி அறிந்துவிட்டால் போதுமே
முடிவுப் புள்ளி தெறிந்து போகுமே

புள்ளிகளை அறியத்தான் முடியுமா
அதன் பூதாகார வடிவம்தான் தெரியுமா
ஆன்ம யோகச்சக்கரம்
சுழலவைக்காமல் அன்றிஇயலுமா
இவையெல்லாம் நாம் உணர
முடியுமா?













. புரட்சி

அசை, புரளு, கவிழாதே, நிமிரு, இயங்கு,
இயக்கம் கொள், பேரியக்கம் கொள்,
பெரு மலை பிளக்கும், சிறு உளி நீ,
முடங்காதே, முயற்சி செய், செயல்படு,
துள்ளு, துடி, துயில்நீக்கு ,விழி, எழு,
போரிடு , தலையை நிமிர்த்து,
புறப்படு ,சாதிக்க வேண்டியது நிறைய
இருக்கு ,கருவரை உன் கல்லரையல்ல,
முழங்கிப் புறப்படு , தடைகளை தகர்த்து
இயக்கம் கொள், அப்போதுதான்
நீ கருவரையிலிருந்தே வெளிவர முடியும்.!


9. நாயகன்

மணக்கும் சந்தனம்,மயக்கும் பூவாசம்,
சொந்தம் எல்லாம் சந்தோஷம்,ஆசீர்வாதம்
குழந்தைகளின் குதூகலம்,குளிர் பானம்,
நண்பர்களின் கும்மாளம் நாதஸ்வரம்
மங்கள வாத்யம், மலர்கள் அலங்கரித்த
மணமேடை,வாழைமரம், வாண்டுகள் அட்டகாசம்,
ஜாதகத்தில் அதிசயமாய் பத்துப் பொருத்தம்
மந்திரகோஷம் மனதெங்கும் உல்லாசம்
அள்ளித் தெளித்த,அட்ஷதையும்,
மலர் மாரியும்,
அத்தனை நடுவிலே நாயகனாய் நானிருக்க
அவள் பார்வை....... அடுத்தவன் மேல் ???




10. கனவு

கவிதைகள் படைக்கிறேன் ப்ரசுரிக்க யாருமில்லை
கண்டுபிடிப்புகள் கழ்த்துகிறேன் அங்கீகரிக்க நாதி இல்லை
ஓவியங்கள் எழுதுகிறேன் வாங்க ஆட்களில்லை
சிற்பம் வடிக்கிறேன் கர்பக் க்ரஹம் கிடைக்கவில்லை

நடிப்பு நாட்டியம் பாட்டு தெரியும்
அரங்கேற்ற யாருமில்லை
உதவி செய்கிறேன் நன்றி சொல்ல யாருமில்லை
கர்பமாயிருக்கிறேன் கழுத்திலே தாலியில்லை
காலையில் விழித்துப் பார்த்தேன்
எல்லாம் எதிர்மறையாய்.......
யாரோ பெண் பார்க்க வருகிரார்களாம்

13. சந்தேகம்

குயிலின் கூவலில் ஒரு சோகம் கிளியின் அழைப்பில்
ஒரு மருகல்
புறாவின் குரலில் ஒரு குமுறல் ,மைனாவின் குரலில் ஒரு பயம்
மயிலின் அகவலில் ஒரு துக்கம், ஆந்தையின் அலறலில்
ஒரு கடூரம்
கழுகின் குரலில் ஒரு கொடூரம் ,கோழியின் கூவலில்
ஒரு எதிர்பார்ப்பு
பருந்தின் குரலில் ஒரு பரிதவிப்பு
ஆனால் இந்த சிட்டுக் குருவியின்
கிசுகிசுப்பில் மட்டும் !!!!
ஆனந்தம்,குதூகலம்,!!!!!!
இப்படிஎல்லாம் எனக்கு மட்டும்தான்
தோன்றுகிறதா !! ? அல்லது
உங்களுக்குமா!!!!!!!!!! ?






14. சிவப்பு

ஹோமாக்னி வளர்க்க வேண்டியவர்கள்
காமாக்னி வளர்க்கிறார்கள்
பால்ய ஸ்னேகிதர்கள்
பாலியல் ஸ்னேகிதர்களாகின்றனர்
வித்தைகள் விபசாரம் செய்கிறது
குழந்தைகள் குரூரமாய் விட்டன
அழகு நிலயங்கள் ஆபத்தாகிவிட்டன

மரம் செடி கொடி மிருகங்கள் இயல்பு நிலை
கெடாமல்
மனிதம் மட்டும் ஏன் இப்படி சிவப்பாய் ?


11. த்ருப்தி

பிறந்து மூன்று஖ மாதம் ஆகிறது
முகம் பார்த்து சிரிக்கிறேனாம் நான்
பல குரல் காதிலே கேட்குது
நான் மாமா டா என்னை பார்
நான் அத்தை டா என்னை பார்
நான் சித்தி டா என்னை பார்
நான் பெரியப்பாடா என்னை பார்
அடாடா யாரை திருப்தி படுத்த
இவர்களீடம் எப்படி காலம் தள்ளூவது
கண்ணை மூடிக்கொண்டேன்.









15. சுமை

மணப்பெண் கோலத்தில் என் மகள்
என் மடியில்
மாப்பிள்ளை மஹா விஷ்ணுவின் அம்சமாம்
திருமாங்கல்ய தாரணம் செய்து
கன்னிகா தானம் செய்ய வேண்டும்

அப்பப்பா என் மகள் இவ்வளவு கனமா?

மாங்கல்ய தாரணம் முடிந்தது மங்கள
வாத்யம் முழங்க என் மகள்
மஹாலக்ஷ்மி ஆனாள்
இப் போது என் மகள் கனமாக தெரியவில்லை

16. புயல்

வெற்றிடம் நோக்கி தான் எல்லா காற்றும்
போகின்றன அதுதான் புயல்

நம்மை வெற்றிடமாக ஆக்குவோம்
எல்லோரும் நம்மை நோக்கி
வருவர்
நாம் நம்மை உணர்வோம்
பிறர் தானாகவே நம்மை
உணர்வார்கள்



17. ஞ்நானோதயம்


ஈக்களோடு ஈக்களாய் குப்பை தொட்டியில் வாசம்
ஒரு திடீர் ஞ்நானோதயம்
தேனீயாய் மாரி பூக்களோடு வாசம்
தமிழ்த் தேனீயய் மாரி தமிழ்ப் பூக்களோடு வாசம்
தமிழ்தான் என் ஸ்வாசம்




18. பஞ்ச பூதம்


நகர்ந்து நகர்ந்து நழுவிப் போகும்
மேகங்கள் தான் நாமெல்லாரும்
கூடியவரை உரசாமல் நகர்ந்து செல்வோம்,
இடிக்காமல் நழுவிச் செல்வோம்

உரசினாலும் இடித்தாலும் மழைதான்
கண்ணீர் மழை......................
படர்ந்து பரவி தவழ்ந்து செல்லும்
தென்றல் காற்று தான் நாமெல்லாரும்
கூடியவரை சீறாமல் தவழ்ந்து செல்வோம்
மீறாமல் அமைதி காப்போம்
சீறினாலும் மீறினாலும் புயல்தான்
துயரப் புயல்...................


19. சூரியன்

சூரியனை சிறைப்பிடிக்க முடியுமா?
அதைச் சுற்றிவர கூட நம்மால் முடியுமா?
சந்திரனின் ஒளி மறைக்க முடியுமா?
அதை ஈடுசெய்ய நம்மால் முடியுமா?
சூரியனும் சந்திரனும் மோதிக் கொள்ளலாமா?
அவை மோதிக் கொண்டால் நட்ஷத்திரம் ஒளிருமா?
அவை சேர்ந்துவிட்டால் நட்ஷத்திரம் பிழைக்குமா?










20. விடுமுறை


பள்ளியில் படித்த போதும்,
பணியில் இருந்த போதும்,
விடுமுறை எனும் வார்த்தை
செய்தது எத்தனையோ மாயம்

அதிகமாகனது விடுமுறை ஆசை,
ஆசை முற்றின நிலையில்
படிப்பும்,பணியும் போதும்,போதுமென்று
விருப்ப ஓய்வு கொண்டேன்
அதிகமானது விடுமுறை
ஆசையை விடும் முறை-
ஆசையும் விடுமுறையும்
போதும் போதும்!!!!!! விடுமுறை !
இப்போது தண்டனையாய்!!!!!

21. ஏன்..?

சமாதானப் புறாக்களூக்கு இடையே கூட
சண்டை உண்டு
பருந்துகளூக்கு இடையே கூட பாசம் உண்டு
கழுகுகளூக்கு இடையே கூட நேசம் உண்டு
புலிகளூக்கு இடையே கூட கருணை உண்டு
பாம்புகளூக்கு இடையே கூட இணக்கம் உண்டு
நரிகளூக்கு இடையே கூட ஞ்யாயம் உண்டு
நாய்களூக்கு இடையே கூட இரக்கம் உண்டு
இந்த மனிதர்களூக்கு இடையே மட்டும் ஏன்....???????

. நீதி

போலீஸ்காரர்களுக்கு அரசாங்கம் சம்பளம்
கொடுக்கிறது, அதனால் அரசாங்கம் முதலாளி
ஆனால் நாங்கள் தான் வேலை கொடுக்கிறோம்
அதனால் நாங்கள்தான் அவர்களுக்கு அதிகாரிகள்"
இப்படிக்கு குற்றவாளிகள்!!!!!!

அசை
துள்ளிக் குதித்து ஓடுவேனாம் நான்
குழந்தையாய் இருந்தபோது
வாலிபப் பருவத்தில் பார்த்தவர்
மேலெல்லாம் பாய்வேனாம்
இப்போது இயலாமல் உட்கார்ந்திருக்கிறேன்
எண்ணங்களையும் உணவையும்
அசை போட்டபடி
எல்லாரும் மாடு தானோ ?

தளை
தத்தித் தத்தித் தவழும் போது
அன்னையின் ஜாக்கிறதை உணர்வு
துள்ளிக் குதித்து ஓடும் வயதில்
பயம் என்னும் உணர்வு
வாழ்க்கையில் உயர நினைக்கும் போது
நேர்மை என்னும் உணர்வு
சுயநலமாய் வாழ்ந்த்துவிட்டுப்
போய்விடலாம் என்று முடிவுக்கு
வந்த போது அடுத்தவர்
வாழ்க்கை ஒரு பாடமாய்
என்னதான் செய்வது எல்லாமே
தாமதமாய் வந்த விழிப்புணர்வுகள்
எல்லாமே ஒரு தளை தான்

22. பேச்சுத் திறமை

எதைப் பற்றி வேண்டுமானாலும்
பேசும் திறமை எனக்குண்டு
பேச அழையுங்களேன்
கடைப் பிடிக்க என்னால் முடியாது
அழைக்காதீர்கள்












23. பட்டாம்பூச்சிகள்


பட்டாம் பூச்சி கடித்தது-அதன் பல் பட்ட
இடம் வலித்தது
பூவால் அடித்தால் வலிக்குமா?
புண்ணாகி உடல் துடிக்குமா?
மேகக் கூட்டம் இடிக்குமா?
என் தேகம் எங்கும் வலிக்குமா?
சிறு பறவை ஒன்று பறந்ததால்
சில மலைகள் உடைந்து தெறிக்குமா?
சின்னச் சின்ன விஷயம் தான்
இந்த உலகை ஆட்டும் விஷயம்தான்
பட்டாம் பூச்சி கடிக்கையில்
நாம் பூவாய் இருந்தால் வலிக்குமே!!!






24. காதல்


அவளுக்குப் பிடிக்குமோ பிடிக்காதோ
என நானும்
எனக்குப் பிடிக்குமோ பிடிக்காதோ
என்று அவளும்

பரஸ்பரம் ஒருவரை ஒருவர் மதிப்பதாக
எண்ணி
உண்மையாக காதலிப்பதாக எண்ணி
சொல்லாமலே இருந்தோம்
கடைசீவரை
அங்கு மனித நேயம் பிழைத்தது

ஆமாம் அவள் கணவனிடம்
அவளும்
என் மனைவியிடம் நானும்!!!!


24. பிறந்த நாள்

தினம், தினம், தினத்துக்கு
பிறந்த நாள்!!
வாரா வாரம் வாரத்துக்குப்
பிறந்த நாள்!!
மாதம் தவறாமல் ஒருமுறை
மாதத்துக்கு பிறந்த நாள்!!
வருடத்துக்கு கூட வருடா வருடம்
தமிழ்ப் புத்தாண்டு,ஆங்கிலப் புத்தாண்டு
என்று இரு முறை
பிறந்த நாள்!!!
இது என்ன ஓரவஞ்சனை?
எனக்கு மட்டும் , நான்கு வருடத்துக்கு,
ஒரு முறை தான், பிறந்த நாள்
நான் பிறந்தது லீப் வருடமாம்!!!!!


25. குப்பைத்தொட்டி

கதை, கவிதை,
எச்சில்கள், குப்பைகள்கழிவுகள்
விவாகரத்து கடிதம்
கல்யாணப் பத்திரிகை
வேர்க்கடலை மடித்த காகிதம்
வேறு சில வேண்டாத பொருட்களும்
எல்லாம் விழுகிறது
சலனமே இல்லாமல் ஜடமாய் நான்!!!!



26. மர்மம்

வெகு நாட்களாக பேசிக் கொண்டிருந்தனர்
அப்படி என்னதான் பேசுவார்களோ?
பல முறை கேட் டிருக்கிறேன் தோழியிடம்
அவனிடமும் தான் ,
இருவரும் ஒற்றுமையாய் ஒரே பதில்,
ஒன்றுமில்லை சும்மாதான்......
இந்த ஒன்றுமில்லை சும்மாதான்...
இதற்குள்ளே...
எத்தனையொ பொதிந்திருக்கும்
ஆனாலும் இது ஒரு வெளி வராத
காவியம்.....







27. த்யாகம்

அப்பா நீங்கள் த்யாகம் செய்து
என்னை ஆளாக்கினீர்கள்
நான் நன்றி மறக்கவில்லை
நானும் த்யாகம் செய்து என் மகனை
ஆளாக்குவேன்
என் கடமை நான் செய்ய
நீங்கள் உதவுங்கள் தயவு செய்து
இருங்கள் முதியோர் இல்லத்தில்






28 கடவுள்


சிற்றெரும்பின் காலடி சத்தம் கூட
உனக்குக் கேட்குமாம்
என் சித்தத்தின் மனவெளிக் குகையில்
நான் செய்யும் ப்ரார்த்தனைகள்
உன் காதில் விழவில்லையா?
மனதிற்குள்ளே மருகி மருகி
நான் மயங்கும் வேளையிலும்
மருபடி மருபடி உன்னிடமே அடைக்கலம்


நீ தெய்வம், மஹா சக்தி, உலகரட்ஷகன்
உனக்கு நேர்ந்து கொண்ட நேர்த்திக் கடன்
நிறைவேற்றாவிட்டால் தண்டிப்பாயாம்
மனிதனே மன்னித்தால் மஹாத்மாவாகிறான்
நீ தண்டித்தால் கடவுளா?


29. இரசாயனம்-

மனதுக்குள்ளே ஒத்திகை பார்க்கும் நாடகம்
மணம் ஆனபின்னே தினந்தோறும் மோகனம்
கண்ணுக்குள்ளே கண் கலக்கும் சாகசம்-இளம்
பெண்ணுக்குள்ளே எத்தனையெத்தனை காவியம்
உடலுக்குள்ளே உருவாகும் காமரசம்
உயிருக்குள்ளே உயிராகும் இரசாயனம்
கருவுக்குள்ளே திரு வாகும் வாத்சாயனம்
சிறு அணுவுக்குள்ளே பள்ளி கொள்ளும்
அனந்த சயனம் !






30. மரியாதை

அம்மா கண்ணன் வந்துட்டான்
கண்ணா ஷூவை அது எடத்துலெ வையி
ஹெல்மெட்டை பத்திரமா வையி
இந்தா டிபன் சாப்பிடு
நாளைக்கு என்னா வெணுமோ
இப்பவே எடுத்து வெச்சுக்கோ
காத்தாலெ என் உயிர எடுக்காதே
நேரத்தோட படுத்து சீக்கிரமா
எழுந்துக்கோ
என்றாள் கண்ணனின் மனைவி
எல்லாம் சரி இந்த ஷூவை மட்டும்
அது எடத்துலெ வையீ அப்பிடீன்னான்
கண்ணன்




31. கல்வி

சீக்கிரம் டிரஸ் போட்டுக்கோ நேரமாச்சு
ஸாக்ஸ் போடுநேரமாச்சு ஷூ போடு நேரமாச்சு
டை கட்டிக்கோ நேரமாச்சு
டிபன் சாப்பிடு நேரமாச்சு
ஒருவாட்டி சொல்லும்போதே மனப்பாடம்
பண்ணிக்கோ புரியுதா?
கிளம்பு கிளம்பு நேரமாச்சு
ஷாட் ரெடி இயக்குனர் வந்துட்டார்









32. சிரிப்பெனும் நெருப்பு

ராவணன் ராமணைப் பகைத்தான்
அனுமன் சிரித்தான்
ப்ரகலாதனை ஹிரண்யன் பகைத்தான்
நரசிம்மம் சிரித்தது
சக்தியை மகிஷன் பகைத்தான்
அகிலமே சிரித்தது
பச்மாசுரன் சிவனைப் பகைத்தான்
சக்தி சிரித்தாள்
நரகாசுரன் க்ருஷ்ணனை பகைத்தான்

தேவர்கள் சிரித்தனர்
பாஞ்சாலி சிரித்தாள் பாரதம் முளைத்தது
மனிதர்கள் நியாயத்தை பகைத்தனர்
விதி சிரித்தது




33. தேக்கம்-

பள்ளிகள் வேண்டாம், கோவில்கள் கட்டவேண்டாம்,
பாலங்கள் வேண்டாம்,அணைகள் கட்டவேண்டாம்,
தொழிற்சாலைகள் வேண்டாம்,மருத்துவ மனை வேண்டாம்,
கப்பல்கள் கட்டவேண்டாம் ,விமானம் வேண்டாம்,
அவை கட்டிடங்களைஇடித்து, மூண்றாம்
உலக யுத்தத்துக்குவழி வகுக்கும்,
வானளாவும் கட்டிடங்கள் வேண்டாம்,
அவை பூமியிலே மறையும்,
நிறைய,...... நீதி மன்றங்கள் கட்டுங்கள்,
வழக்குகள் தேங்கிக் கிடக்கின்றன!...
கூவத்தை சுத்தம் செய்யுங்கள்
கொசுக்களை ஒழியுங்கள்
மக்கள் பிழைத்துக் கொள்வார்கள்


34. ஞானம்

என்னை ஞானியாக்கியவர்கள்
என் அம்மாவும், என் மனைவியும்
இன்னும் இருவரும் புரிந்து
கொள்ளவில்லை- நான் ஞானியென்று
ஆம் ஒவ்வொரு வெற்றி பெற்றவர்
பின்னாலும் ஒரு பெண் இருக்கிறாள்
புரிந்து கொள்ளாமல்

35. சுனாமி

தண்ணி அடிச்சு தண்ணி விலகாது
நல்ல பழமொழி ,
தண்ணி அடிச்சா எல்லாமே விலகிடும்
அதுதான் சுனாமி
தண்ணி அடிக்காதீங்கோ


37. தைரியம்

காவல்காரன் தூங்காமல் காவல் செய்யும்
முதலாளி நான்
அரசாங்கம் தவறும் நேர்மை அவ்வப்போது
சுட்டிக் காட்டும் குடிமகன் நான்
அதிகாரியின் தவறு அதட்டிக் கேட்கும்
தொழிலாளி நான்
பூசாரி தவறும் நியமங்கள்
உணர்த்துகின்ற பக்தன் நான்
ஞானிகளின் வர்ண பேதம்
உணர்த்துகின்ற அடியவன் நான்
மேதைகளின் சருக்கல்கள்
கண்டுபிடிக்கும் பேதை நான்
என்னைத் தட்டிக் கேட்க
மறந்துவிட்ட நான் !!!!
38. கண் தானம்


பிறப்பும் இறப்பும் இயற்கைதான் தடுக்கமுடியுமா
ப்ரபஞ்சத்தில் இயற்கை தனை மாற்றமுடியுமா
பிறந்ததனால் என்ன பயன் நமக்குத் தெரியுமா
இறந்த பின்னும் வாழும் வகை செய்ய முடியுமா


இறந்த பின்னும் வாழுகின்ற சிரஞ்ஜீவிகள்
முத்து முத்தாய் வழிகள் பல உறைத்தார்
செத்தும் கொடுத்தவன் சீதக்காதி,
தானம் கொடுத்தான் தன் தலையையே

தானத்தில் பலவுண்டு பலனடைய
தலையான தானமது கண்தானம்
பஞ்ச பூதம் ப்ரம்மத்தில் இணைவதுதான்
ப்ரபஞ்ச விதி தடுக்க முடியுமா?

சாகா வரம் பெற்றவர்தாம் யாரோ
தம் உறுப்பு தானம் அளிப்பவர்தானோ
சிறந்த தானம் அன்னதானம்,அறிவுதானம்
அதனினினும் சிறந்தது கண் தானம்
சாகா வரம் பெற சிரஞ்சீவியாய் நாம் வாழ
கருணை மனம் கொண்டிடுவோம்
கண்தானம் செய்திடுவோம்

39. காலம்


காலச்சக்கரம் சுழலும் வகையை
கண்டு பிடிக்க முடியுமா?
அதன் கோலம் வரையும்
கோடுகளைத்தான் அறிய நம்மால் முடியுமா
ஞாலச் சக்கரம் சுழலும் வகையை
கண்டு பிடிக்க முடியுமா?
வட்டச் சக்கரம் -இறைவன் விட்ட சக்கரம்
சக்கரத்தை சுழற்றிவிட முடியுமா
இறைவனையே கழற்றிவிட முடியுமா?
ஆரம்ப புள்ளி அறிந்துவிட்டால் போதுமே
முடிவுப் புள்ளி தெறிந்து போகுமே

புள்ளிகளை அறியத்தான் முடியுமா
அதன் பூதாகார வடிவம்தான் தெரியுமா
ஆன்ம யோகச்சக்கரம்
சுழலவைக்காமல் அன்றிஇயலுமா
இவையெல்லாம் நாம் உணர
முடியுமா?
40. குண்டலினி


குண்டலினி யோகம் கற்க -திருவருளும்
குரு அருளும் வேண்டுமென்பர்
அதி தேவதை- வினாயகர்,
அருளும் வேண்டுமென்பார்
யமம்,நியமம்,ஆசனம்,பூரகம்,கும்பகம்,
ரேசகம்,எனும் ப்ராணாயாமம்
,ப்ரயத்யாகாரம்,தாரணை,
த்யானம்,எனும் அஷ்டாங்க யோகமும்-
மந்த்திர, லய, ஷட, ராஜ எனும்
சிவயோகமும் வேண்டுமென்பார்
ஞான யோகம்,கர்மயோகம்,பக்தியோகம்,
எனும் த்ரியோகமும் வேண்டுமென்பார்
தாடாசனம்,திரிகோண ஆசனம்,கருடாசனம்
பச்சிமோத்தாசனம்,பத்மாசனம்,
உத்தானபாதாசனம்,பவனமுக்தாசனம்
சிரசாசனம்,விருட்சாசனம் ,ஸ்வஸ்திகாசனம்
சுகாசனம்,எனும் ,ஆசனங்கள்
அத்தனையும் வேண்டுமென்பர்


அதல,விதல, சதல ,தலாதல,ரசாதல,
மஹாதல,பாதாள,ஏழுலக தொடர்பும்
இடை,பிங்கலை,சுஷும்னை-ஹஸ்தகிஹ்வை,குஹு
காந்தாரி,ஸரஸ்வதி பூசை,சங்கினி,பயஸ்வினி,வாருணி
அலம்பூசை,விச்வோதரை,யஸவினி,வஜ்ரை,இட,பிங்கலை,
நாடிகள் கட்டுப்பட வேண்டுமென்பார்
மூலபந்தம்,ஜலந்தர பந்தம்,,உட்டீயண பந்தம்
மஹா,மஹாபந்தம்,மஹாதேவதை,,யோக
விபரீதகரணி ,கேசரி ,வஜ்ரோலி
ஸக்திசீலன்,யோனி, பந்தங்களும் ,முத்திரைகளும்
கட்டுப் படவேண்டுமென்பர்
அணிமா,மஹிமா,வகிமா,கரிமா,ப்ராப்தி,ப்ராகாம்யம்,
வஸித்துவம், ஈஸத்துவம், எனும்
அஷ்ட மஹா ஸித்திகளும் கிட்டுமென்பார்
கோபம்,காமம்,த்வேஷம்,பற்று விலகுமென்பார்
மூலாதாரம்-ஸ்வாதிஷ்டானம்,மணிபூரகம்
அனாஹதம்,விசுத்தி,ஆக்ஞா
பிர்ம ரந்திரம்- ஸஹஸ்ராரசக்கரம்
நம்மை நாமறியும் நற் குணமும்
,யாகமும்,ப்ராணாயாமமும்,
நேமமும், நிஷ்டையும், தவமும்-அருளும்
உட்ப்ரயாணமும் வேண்டுமென்பர்

இத்தனயும் வேண்டுமென்றால்
உன்னை அறி


41. வேஷதாரிகள்

வேஷம் கலைத்து வாருங்கள்
வெகுளியாகப் பேசலாம்
ரோஷம் கலைத்து வாருங்கள்
வினயமாகப் பேசலாம்
கோபம் தவிர்த்து வாருங்கள்
ஆசையாகப் பேசலாம்
த்ரோகம் தவிர்த்து வாருங்கள்
பாசமாக பேசலாம்
மோகம் தவிர்த்து வாருங்கள்
காதலாகப் பேசலாம்
வன்மம் தவிர்த்து வாருங்கள்
அன்பாகப் பேசலாம்
பொய்மை தவிர்த்து வாருங்கள்
உண்மையாகப் பேசலாம்


44. மோதிரம்


மானுடர்க்கு வாழ்க்கை தரும் மோதிரம் ,
கல்யாண மோதிரம் ஒரு போதிமரம்
கொல்லர்கள் தயாரித்த மோதிரம்-பல
முத்திரைகள் பதித்து வைத்த மோதிரம்
அரசாங்க முத்திரை மோதிரம்
உண்டா ஆட்டிவைக்காத ராஜ்ஜியம்
கணையாழி என்கின்ற மோதிரம்,
ராம காதையையே ,படைத்திட்ட மோதிரம்
சீதையையே நம்பவைத்த மோதிரம்
வானில் மாருதியை எழும்ப வைத்த

பல கலைஞர்களை வளர்த்துவிட்ட மோதிரம்
எழுத்து வித்தகரை படைத்திட்ட மோதிரம்
மாயக் கண்னனவன் தவற விட்ட மோதிரம்
விதுரரயே பதற வைத்த மோதிரம்
கவுரவரை வீழ வைத்த மோதிரம்

கற்பனைக்கு -எட்டாத பல வடிவ மோதிரம்
விற்பனைக்கு எளிதான மோதிரம்
காதலுக்கு அடயாள மோதிரம்
காலத்தால் அழியாத மோதிரம்
மோதிரம் ஒரு போதி மரம்





45. நாகம்


பள்ளி கொண்டால் பரம ஸாது
துள்ளி எழுந்தால் வெறியாய் மோதும்
அள்ள முடியாமல் சினந்து சீரும்
வெள்ளம் போல் நுரை கக்கிப் பாயும்
குகையலிருந்து தன் முகம் காட்டும்
தி மூலமும் பள்ளி கொள்ளும்
அனந்த ஸயனமும் கும்
பள்ளிகொள்ளும் பாடமும் கும்
மலையை சுற்றி கயிறாய் படரும்
அகிலம் சுழற்றும் யுதமாகும்
மாலையாய் சிவனின் கழுத்திலிருக்கும்
கணபதி வயிற்றில் கங்கணமாகும்
முருகன் வாகன காலடியாகும்
தானே சக்தி வடிவாய் மாறும்





46. ͨÁ





ஒரு தாய் போதும்,ஒரு தந்தை போதும்
ஓரு பிறப்பு போதும்,
ஒரு வீடு போதும் ,ஒரு ஒரு வாசல் போதும்
ஒன்பது வாசல் வேண்டாம் ,
ஒரு மனைவி போதும், ஒரு திருமணம் போதும்
ஒரு குழந்தை போதும் ,
சம்சாரிக்கு இல்லறம் போதும்,
சன்யாசிக்கு துறவறம் போதும்,

போதும் என்ற மனமே பொன் செய்யும் மருந்து
எனக்கும் புரிகிறது என்ன செய்ய...?
அப்பப்பா இத்தனை போதும்கள் இருக்கிறதா,
இது தாங்காது "போதும்" "போதும்" "போதும்"
ஒரு போதும் இந்த " போதும் "
என்பதே போதும் .





47. சின்ன கல்

ஒரு சின்னக் கல் என்னைத் தடுக்கி விட்டது-
தலைகுப்புறக் கீழே விழுந்தேன்
ஒரு சின்ன கல்லா என்னை கீழே தள்ளுவது
ஆத்திரம் அறிவை மயக்கியது
சின்னக் கல்லை தூக்கி எரிய
கையைஉயர்த்தினேன்
சின்னக் கல் என் கண்களுக்கு நேரே
வந்த போது உலகையே மறைத்தது
ஒரு சின்னக் கல்லுக்கு இத்தனை
சக்தியா?....மீண்டும் நிமிர்ந்தேன்
என்னுள் ஏதோ மாற்றம்
புத்தருக்கு ஒரு போதி மரம்
எனக்கு ஒரு சின்னக் கல்
ஞானோதயத்தின் சின்ன கல்

பெண்
நீ கணபதி என்றால்
சித்தி புத்தி நானாக வேண்டும்
நீ முருகனென்றால் நான்
வள்ளி தேவானையாக நானாக வேண்டும்
நீ க்ருஷ்ணனென்றால்
பாமா,ருக்மணி,ராதா, அத்தனை கோபியராகவும் நானே ஆக வேண்டும்

நீ ராமனென்றால் சீதையாக நானாகவேண்டும்
நீ ராவணனாகி விட்டால் நான் மண்டோ தரியாக ஆக மாட்டேன்
அப்பொழுதும் சீதையாகத் தானிருப்பேன்

பக்தி கவிதைகள்

பக்தி கவிதைகள்


1. விநாயகர் துதி -

ஓம் கார ரூபனே
முந்தி விநாயகனே மூல முதல்வனே
மங்கள நாயகனே மலைக்கோட்டை
மாமணியே மாசக்தி மைந்தனே
சங்கரன் புதல்வனே கந்தன் தமயனே
தந்த முடைத்து பா ரதம் ஆக்கி
பாரதம் படைத்தவனே
மாறுதலைக் கொண்ட மாசற்ற
மாணிக்க விநாயகனே
ஆறுதல் வேண்டி மனதால் நெக்குறுகும்
அடியார்க்கு தேருதல் அளிக்கும்
துங்கக் கரி முகத்துத் தூமணியே
அங்கம் புழுதி பட அடியவர் தூளி பட
அங்கப் ப்ரதட்ஷணம் செய்கின்றேன்
பங்கம் ஏதுமில்லா வாழ்வு தர
வேண்டுகின்றேன்
எல்லாப் புகழும் குறைவில்லாச்
செல்வமும் நிறைந்த ஆயுளும்
தேர்ந்த பக்தியும் ஞானமும்
ஊட்டி எமக்கு அருள்வாய்












2. முருகன் துணை

கார்த்திகேயா கடம்பா கந்தா
கதிர்வேலா பால முருகா
பார்த்தன் மருகா-கூத்தன் சிவனின்
குழந்தையே மால்மருகா
பார்வதி தேவியின் பால குமாரா
அவ்வையின் மனதுக்கு இனியானே
சூரன் கதை முடித்த வேலாயுதா
திருப்பரங்குன்றத்து கல்யாண முருகா
அழகா தமிழ்க் குமரா
அம்மை வள்ளியின் ஆசை நாயகா
அன்னை தேவானையின் ஆசை நாயகா
கந்தவேளே எமைக் காக்கும் வேலே
கந்தஷஷ்டி சொன்னால் காக்கும் கந்தக்
கடவுளே -அப்பனுக்கே பாடம் சொன்ன
ஸ்வாமிமலை சுப்பையா
திருத்தணிகைக் திருக் குமரா
கந்த கோட்டத்துள் வளர்
ஸந்தத் தமிழோனே ஸுந்தரத்
தமிழா எந்த நாளும் எமைக் காப்பாய்















3. அங்கப் ப்ரதஷணம்

தீராத வியாதியா? தேறாத தலைவிதியா?
சங்கடமான ஊழ்விதியா?
அங்கப் ப்ரதஷணம் செய்து பாருங்கள்
- அங்கப் ப்ரதஷணம்
மங்கள வினாயகனை மனதில் இருத்தி
அங்கப்ப்ரதஷணம் அங்கே செய்துபாரும்
கந்த கோட்டத்துள் வளர் கந்தப் பெருமானை
அந்தரங்கத்தில் நினைத்து - அங்கப் ப்ரதஷணம்

வங்கக் கடல் கடைந்த மாதவனை மனதிலே
நினைத்து- ஐயப்பனை நினைத்து
செய்த வினை தீர சரண கோஷமிட்டு பதினெட்டுப்
படிகளை பவித்திரமாய் நினைத்து- அங்கப் ப்ரதஷணம்

குருவாயூர்க் கண்ணனை குளிரக் குளிர நினைத்து
தருவான் நல் வாழ்வு என்ரெண்ணி
இமயம் வரை செய்த பாவம் இன்றுவரை இருந்தாலும்
சமயவரம் தரும் சமயவரத்தாளை எண்ணி- அங்கப் ப்ரதஷணம்
மருத்துவ மாம இவ்வுள் கிடந்தானை
தருக்கில்லா மனதோடு தலை வணங்கி
உப்பிலிஅப்பனை உளமோடு தான் நினைத்து
எப்பிணியும் தீர வேண்டி- அங்கப் ப்ரதஷணம்
அஞ்ஜனை மைந்தனை அனுமனை மாருதிஐ
வஞ்சமில்லா மனதோடு மனதிருத்தி
பங்கம் இல்லா வழ்வு பெற சோளிங்கமலை
சிங்க முகத்தான்கோயிலிலே- அங்கப் ப்ரதஷணம்
அத்தனையும் செய்துவிட்டு அப்படியும் பாவம்
அகலவில்லையென்றால்
அங்கம் உனக்களித்து ஆன்மாவும் அளித்த
அம்மாவையும் அப்பனையும் அருகருகே
நிற்க வைத்து -உன் அங்கம் பூமிபட
அவர்தம் பாதம் பட அங்கப் ப்ரதஷணம்
அங்கே செய்து பாரும்-அது போதும்
அத்தனை பாவங்களும் அற்றுப் போகும்
மொத்தமும் ஜெயமாகும்

4. அம்மன்

உன்னை வணங்க மனம் எனக்கருள்வாய்
புன்னை வன நாயகியே
முன்னை வினைப் பயன் என்னை வருத்தாமல்
உன்தன் அருள் எனக்கருள்வாய் -உன்னை

கண்ணன் சகோதரியே கந்தனுக்கும்,
அண்ணன் கணபதிக்கும் அன்பான தாயே
எங்களுக்கருள்வாய் தேனுபுரீச்வரர் நாயகியே
தேனுகாம்பாள் தாயே -உன்னை

என்றும் என் துணை நீயே
கற்பகவல்லி தாயே
கபாலீச்வரர் நாயகியே
உன்னை வணங்க நீ அருள்வாயே -உன்னை




5. கருமாரி

எல்லைகளைக் கடந்தவளே கருமாரி
எல்லை இல்லா கருணைமனம் கொண்டவளே
தொல்லையெல்லாம் தொலைப்பவளே கருமாரி
இல்லை எனாது அருள்அளிப்பவளே
வெள்ளை மனம்கொண்டவளே மாரியம்மா
வேற்காட்டில் இருப்பவளே மாரியம்மா









6. கர்வம்

பாமவுக்கும் ருக்மணிக்கும் போட்டியொன்று
முளைத்தது -பக்தியில் சிறந்தவள் யாரென்று
தலைகேறிய கர்வம் தடுமாறும் மனது
கண்ணன் முன் நின்றார் இருவருமே-யார் என்று

நமுட்டுச் சிரிப்புடனே மாயக் கண்ணனவன்
கனமான கர்வத்தை எளிதாக்க எண்ணம் கொண்டு
கற்பனைத் தலைவலியால் துடி துடித்தான்
தாளமுடியதது போல் நடித்தான்

மறையோதும் முனிவரவர் கண்டுகொண்டார்
மறை பொருளின் மனப் பொருளை
தானும் கண்ணனுக்குத் துணையாக
நடிக்கத்தான் திட்டமிட்டார்

தலைவன் கண்ணனவன் தலவலி தீரவேண்டி
தாரம் இருவருமே கலங்கி நின்றார்
கண்ணனுக்காய் -வலி தீர வழி கேட்டு
மயங்கி நின்றார் மன்னனுக்காய்

தீராத் தலைவலி தீரவேண்டி தரமான
மருந்தொன்று சொல்லிவைத்தார்-முனிவருமே
தருக்கில்லா மாந்தரவர் தன் தாள் கொண்ட
பாத தூளி கண்னன் தலை மேலே

பற்றாய்ப் போட்டால் தாங்கவொண்ணாத்
தலைவலி தானே மறையும் என்றார்
தாரமவர் மனவலியும் தானே குறையும்
என்றார்- யார் தயார் ?

பதறிப் போனார் அனைவருமே அபசாரம்
அபசாரம் க்ருஷ்னனவன் தலைமேலே
பாத தூளி அபசாரமென்ரெண்ணி
தர மறுத்தார் தாரமவர்

அபசாரம் செய்வதனால் அன்பனவன்
தலைவலி தீருமென்றால் -உபசாரம்
தேவை இல்லை -தான் தருவேன்
தன் பாத தூளி என்று சொல்லி

தன் பாவம் சேர்ந்தாலும் பரவாயில்லை
கண்ணனின் தலைவலி இனி இல்லை
அது போதும் என்று சொல்லி
அன்பாய்த் தடவி விட்டாள் தன் பாத தூளி
அன்போடு பரவி விட்டாள் கண்ணனின்
தலை மேலே ருக்குமணி

கண்ணன் திரும்பிப் பார்த்தான்
தலை குனிந்தார் தேவியர் இருவருமே














7. ஐய்யப்பன்

சிவ நாடி விஷ்ணு நாடி இரு நாடி
சேர்ந்து இமைப் பொழுதில் உருவான
மைந்தனவன் ஐய்யன் அவன் ஐய்யப்பனே
வெம்புலி வாகனனை ஐயமெல்லாம் போக்கும்
நெய்யாபிஷேகனை பந்தள ராஜனின்
இகலோக மைந்தனை தங்கமலை
வாசனை - துளசி மணி மாலை அணிந்து
மஞ்ச மாதா பாதம் தொட்டுவணங்கி
பையப் பைய மலையேறி பதினெட்டுப்
படியேறி சரண கோஷமிட்டு
சரணடைந்து வணங்குகின்றேன்


துன்பம் யாவுமே தீர வேணுமே
ஐயப்பன் அருளாலே
இன்பம் யாவுமே சேர வேணுமே
மெய்யப்பன் அருளாலே - துன்பம் யாவுமே

பதினெட்டு படிகளில் ஏறி ஏறியே
பதப் படும் அவன் மனமே
சரண கோஷமே பாடிப் பாடியே
வசப்படும் அவன் குணமே - துன்பம் யாவுமே

நெய்யாபிஷேகம் பார்ப்பதனாலே
நிறைந்திடும் அவன் மனமே
இருமுடி தாங்கி பெருவழி நடந்து
தரிசனம் பெற்று வளர்ந்திடுமவன் வாழ்வே - துன்பம் யாவுமே

துன்பம் யாவுமே தீர்ந்து போகுமே
ஐயப்பன் அருளாலே
இன்பம் யாவுமே சேர்ந்து நிறைந்திடும்
மெய்யப்பன் அருளாலே துன்பம் யாவுமே









8. திருவடிகளே சரணம்-

எல்லா உயர்வும் எனக்களிப்பான் ஸ்ரீவாசன்
ஏகாந்தமாய் உறையும் திருப்பதி மலைவாசன்
பொல்லார் கண்பட்டு விளையும் த்ருஷ்டி யெல்லாம்
இல்லாமலே களைந்து எனைக் காக்கும்
மல்லாண்ட திண் தோள் மவண்ணனை
பல்லாண்டு பாடிப் பாசமாய் அழைத்திட்டால்
(எல்லா)

சொல்லாமலே வரும் ஊழ்வினைப் பயனெல்லாம்
இல்லாமலே அருளி இன்பம் நமக்களிக்க
வல்லான் வாசுதேவனை வாயாரப் பாடி
மனதினால் துதித்தால் (எல்லா)

கல்லாரும் கற்றவரும் இல்லாரும் உள்ளாரும்
எல்லாரும் போற்றிவரும் தெள்ளத் தெவிட்டாத
கள்ளக் கண்ணனை மணி வண்ணனை
சொல்லாண்ட தேசிகரும் பல்லாண்டு பாடி
வைத்த சுடர்க்கொடி ஆண்டாளும்
வாமனனைப் போற்றுகின்ற
ராமனுஜ ஜீயெரும்-எல்லாம் தானாகி
நின்ற வல்லான் கோவிந்தன் லக்ஷ்மீ
மணாளன் ஸ்ரீனிவாசன் (எல்லா)

புதுக் கவிதைகள்

புதுக் கவிதைகள்

1. வசியம்

வார்த்தைகளில் தேன் தடவும் வசியம்
வாழ்க்கைக்கு என்றும் அவசியம்

2. நான்

உன்னை ஓட விட்டு உன் பின்னால்
நீ ஓடு உன்னை நீ உணர்வாய்

3. ரசிகன்

சகித்துக்கொண்டு வாழாதே
ரசித்துக்கொண்டு வாழ்

4. தர்க்கம்

கடவுள் இருக்கிறாரா இல்லையா
அது தேவைஇல்லை
நாம் இருக்கிறோம்
நம்முள் அவன் இருக்கிறான்

5. வேண்டுதல்

கடவுளே ஒரே ஒரு நிமிடம்
காட்சி கொடு
யாரிடமும் நிரூபிக்க என்னால்
முடியவில்லை

6. புனிதம்

ஒருவரை ஒருவர் புரிந்து கொண்டால்
காதல்- அது இன்னும் இதுவரை
ஏற்படவே இல்லை



7. கர்வம்

தற்பெருமை தேவை இல்லையாம்
பின் மலரே நீ ஏன் மணக்கிறாய்

8. நட்பு

நண்பனுக்குத் த்ரோகம்
செய்ய மாட்டேன் - ஆம்
அவன் மனைவி அழகாக இல்லை

9. ஏக்கம்

ஒரு புகைப் படத்திலும்
உன் அருகில் நான் இல்லையே
ஓ... ஓ... ஓ.... என்றுமே நான்
புகைப்படக்காரன்தான்

10. காபரே

நிர்வாணச்சரக்கை மலிவுச் சந்தையில்
தவணை முறையில்
விற்கும் மொத்த வியாபாரி
11. Å¢Õ

அம்மன் வேஷம் கலைத்துவிட்டு
அடுத்த வேளைச் சாப்பட்டுக்கு
ஐந்து நட்சதிர ஹோட்டலின்
படுக்கை அறை

12. பெருமிதம்

வறுமைக் கோட்டின் கீழே இருக்கிறாயா
கவலைப் படாதே-ஐ நா சபையின்
புள்ளி விவரத்தில் நீயும் சேர்க்கப் பட்டிரூக்கிறாய்


13. பொருமல்

அப்பனுக்கு எதிராய் அன்னிய மதத்தில்
காதலிக்கும் அத்தனை வாரிசுகளும்
தீவிரவாதிகளே

14. யதார்த்தம்

விரலுக்கு மை இட்டு அழகு பார்ப்பார்
பதவி வந்தவுடன் த்ரோணர் போல்
விரலைக் கேட்பார்

15. ஆர்வம்

புகைப் படக்காரரே சற்றுப் பொருங்கள்
உடனே பதிவு செய்து பார்க்க
இது புகைப் படமல்ல - கர்ப்பம்.......

16. மனவியல்

வெறித்த பார்வைகளுக்கு நடுவே
ஒரு தவிர்த்த பார்வை
அதனால் தவித்த பாவை....

17. போதை

போதைக்கும் எனக்கும் போட்டியொன்று
முளைத்தது
யாரை யார் முதலில் நிறுத்துவதென்று?

18. பிறப்பு

உலகிலேயே உயர்ந்தவன் தொழிலாளி -லேபர்
அதனால்தான் பிரசவ வலியை
லேபர் பெயின் என்கிறார்கள்


19 மகிழ்ச்சி

நான் முட்டாள் என்று நிரூபிக்கப் படும் போதெல்லாம்
மகிழ்கிறேன் ஏனென்றால்
பல அயோக்யர்களைபற்றிய
என் அனுமானம் சரியாகவே இருந்திருக்கிறது

20. ஆத்திகம்

என்னையும் படைத்து உன்னையே இல்லை
என்று சொல்லும் நா வன்மையும் எனக்களித்த
கடவுளே நீ இல்லை இல்லை இல்லவே இல்லை

21. படைப்பின் ரகசியம்

ஒரு முறை விதைத்தேன் உலகம் வளர்ந்தது
பல முறை அழித்தேன் ஒன்றும் ஆகவில்லை

22. கணவன்

ஒரு வேளை இவன்தானோ ....?
இது பதினெட்டாவது முறை....

23. வருத்தம்

என் வயது 55
35 வயது என்று சொன்னால்
நம்புகிறார்கள் வருத்தமாயிருக்கிறது
35 வயதுக்கரர்கள் என் போலவா
இருக்கிறார்கள் ?




24. வித்தை

பாம்புக்கும் கீரிக்கும் சண்டை விடுவதாக
வெகு நாட்களாக ஏமற்றிக் கொண்டிருக்கிறான்
ஒரு வித்தைக்காரன்

பாம்புக்கும் பாம்புக்கும்
கீரிக்கும் கீரிக்குமே
சண்டை மூட்டிக்கொண்டிருக்கிறான்
அரசியல்வாதி

25. ஊழல்

ஊழல் பட்டியலில் இந்தியாவுக்கு 88 வது இடமா?
ஓஒ......அதிலும் முதல் இடம் இல்லையா?

26. முடியாது

என்னால் முடியாதென்று சொல்லிவிடத்தான்
நினைக்கிறேன்

ஹும் ........ என்னால் முடியவில்லை

27. நீதி தேவதை

"நீதிபதி தர்மலிங்கம்,!! நீதிபதி தர்மலிங்கம், !! நீதிபதி தர்மலிங்கம்,
கோர்ட் டவாலி மூன்று முறை கூப்பிட்டார் "

28. பொட்டு

என் மனைவி சுமங்கலி என்று
நிலைக்கன்னாடியிலும்,கதவுகளிலும்
இருக்கும் ஒட்டும் நெற்றிப் பொட்டை
வைத்து கண்டுபிடிக்கிறேன்




29. வேலைக்காரி

பார்த்துப் பார்த்து சமைத்தாயிற்று- நல்லவேளை
வேலைக்காரிக்கு பிடித்த உணவு வகைகள்
மீதமானலும் கவலை இல்லை

30. நாகரீகம்

ஸிந்து நதிக்கரை நாகரீகம்
காலமாற்றமடைந்தனால்
கூவம் நதிக் கரையில்
கொசுக்களுடன் வாழுகிறோம்